Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жезекиел 47:1—23

47  Ал мени кайрадан Үйдүн кире беришине+ алып барды. Үйдүн босогосунун астынан чыгышты карай суу агып жатыптыр+, анткени Үйдүн кире бериши чыгышты карап турат экен+. Суу Үйдүн оң капталынан, астынан, курмандык жайынын түштүк жагынан агып жатыптыр.  Анан ал мени түндүк дарбазадан+ чыгарып, сырттагы жол менен чыгышты караган сырткы дарбазага+ алып барды. Суу оң тараптан агып жатыптыр+.  Ал киши чыгышты карай басып, колундагы ченегич жип+ менен 1 000 чыканак ченеди да, мени суудан өткөрдү. Суу кызыл ашыктан келди.  Дагы 1 000 чыканак ченеп, мени суудан өткөрдү. Суу тизеден келди. Дагы 1 000 чыканак ченеп, мени суудан өткөрдү. Суу белден келди.  Ал дагы 1 000 чыканак ченеди. Суу ушунчалык көтөрүлгөндүктөн, кечип өтө алган жокмун; аны сүзүп өтүш керек экен, кечип өтүү мүмкүн эмес экен.  Ошондо ал мага: «Адам уулу, көрдүңбү?» — деди. Анан мени кайра суунун жээгине алып чыкты.  Жээкке чыкканымда суунун аркы өйүзүнөн да, берки өйүзүнөн да көптөгөн бак-дарактарды көрдүм+.  Ал мага мындай деди: «Бул суу чыгыш аймакка агып+, Араба+ аркылуу өтөт да, деңизге куят+. Ошондо деңиз суусу айыгат.  Эки эсе тереңдеген бул суу+ кайда агып барса, ошол жерде ар кандай тирүү жандыктар быкылдап, жанданат. Балык өтө көп болот, анткени бул суу ошол жакка агып барат, ошондо деңиз суусу айыгат+. Суу кайда агып барса, ошол жерде баары жанданат. 10  Деңиздин жээгинде Эн-Гедиден+ Эн-Эглаимге чейин балыкчылар турушат. Ал жакта тор кургата турган жер болот. Улуу деңиздегидей*+, балыктын көп түрү болот. 11  Анын саздак жана баткак жерлери айыкпайт+. Аларды туз каптайт+. 12  Суунун жээгинде, аркы өйүзүндө да, берки өйүзүндө да жемиштүү ар кандай бак-дарактар өсөт+. Жалбырактары куурабайт+, жемиштери түгөнбөйт+. Алар ай сайын жаңы жемиш берет, анткени аларды сугарган суу ыйык жайдан агып келет+. Жемиштери тамак-ашка, жалбырактары дарылыкка пайдаланылат»+. 13  Эгедер Теңир Жахаба мындай дейт: «Силер бул жерди, Ысрайылдын он эки уруусуна бөлүнгөн жерди, мурас катары өз ара бөлүп аласыңар. Жусупка эки үлүш тиет+. 14  Силер бул жерди мураска аласыңар, ата-бабаларыңарга+ колумду көтөрүп убадалаган жерди+ ар бириңер бир тууганыңар менен тең бөлүп аласыңар. Бул жер силерге мурас катары тиет+. 15  Бул жердин түндүк чек арасы Улуу деңизден Хетлон+ аркылуу Седатка+ кеткен жолго, 16  андан ары Хаматка+, Беротага+, Дамасктын+ чек арасы менен Хаматтын чек арасынын ортосундагы Сибрайымга, Хаурандын+ чек арасына жакын жайгашкан Хазер-Хатиконго чейин созулат. 17  Деңизден башталган чек ара Хазар-Энонго+, Дамасктын чек арасына, андан ары түндүк тарапка, Хаматтын чек арасына чейин созулат+. Бул — түндүк тарап. 18  Чыгыш тарап Хауран+ менен Дамасктын+ ортосунан, Гилат+ менен Ысрайыл жеринин ортосунан Иорданды+ бойлой өтөт. Чек арадан чыгыш деңизге чейинки аралыкты ченегиле. Бул — чыгыш тарап. 19  Түштүк чек ара түштүктү карай Тамардан+ Мерибат-Кадештин сууларына+ чейин, Улуу деңиз менен чектешкен өзөнгө+ чейин созулат. Бул — Негепти көздөй созулган түштүк тарап. 20  Батыш тарап Улуу деңизден, түштүк чек арадан Хаматтын кире беришине чейин түз созулат+. Бул — батыш тарап». 21  «Бул жерди өз ара бөлүп алгыла, Ысрайылдын он эки уруусуна бөлгүлө. 22  Жерди мурас катары өзүңөргө жана араңарда келгин болуп жашап жаткан+, араңарда балалуу болгон келгиндерге бөлгүлө+. Алар Ысрайыл уулдарынын арасында жергиликтүү тургундар катары эсептелсин. Ысрайыл урууларынын арасында силер менен бирге алар да мураска жер алат+. 23  Келгин кайсы урууга келип жашап калса, ага ошол уруудан мурас бергиле»,— дейт Эгедер Теңир Жахаба.

Шилтемелер

Жер ортолук деңиз.