Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жезекиел 46:1—24

46  «Эгедер Теңир Жахаба мындай дейт: „Ички короонун чыгышты караган дарбазасы+ алты күн бою, иш күндөрү+, жабык турууга тийиш+. Ал эми ишемби күнү, ошондой эле ай жаңырган күнү ачык турушу керек+.  Төрө дарбазанын далиси аркылуу ичкери кирип+, дарбазанын кашегинин+ жанында турсун. Дин кызматчылар болсо анын бүтүндөй өрттөлүүчү курмандыгын, тынчтык курмандыктарын чалышсын. Ошондо ал дарбазанын босогосунда таазим кылып+, сыртка чыксын. Дарбаза болсо кечке чейин жабылбасын.  Жердин эли да ушул дарбазанын кире беришинде ишемби күндөрү, ошондой эле ай жаңырганда Жахабанын алдында таазим кылсын+.  Төрө ишемби күнү Жахабага бүтүндөй өрттөлүүчү курмандык катары кемтиги жок алты козу, кемтиги жок бир кочкор алып келсин+.  Бир кочкорго нан курмандыгынан бир эйфа+, козуларга колунан келген+ нан курмандыгын кошуп берсин. Ал эми майдан бир эйфага бир гин кошуп берсин+.  Ай жаңырган күнү+ малдан кемтиги жок бир букачар, алты козу, бир кочкор алып келсин. Алар кемтиксиз болсун+.  Ал букачарга бир эйфа, кочкорго бир эйфа нан курмандыгын кошуп берсин, козуларга шартына жараша кошуп берсин. Ал эми майдан бир эйфага бир гин кошуп берсин+.  Төрө+ ичкери киргенде дарбазанын далиси аркылуу кирип, кайра далиси аркылуу чыксын+.  Жердин эли майрам күндөрү+ Жахабанын алдына келгенде, таазим кылыш үчүн түндүк дарбазадан+ киргендер түштүк дарбазадан+ чыксын, түштүк дарбазадан киргендер түндүк дарбазадан чыксын. Эч ким кирген дарбазасынан чыкпасын, маңдайындагы дарбазадан чыксын. 10  Элдин арасындагы төрө алар менен кошо кирип, алар менен кошо чыксын+. 11  Майрамдарда+, майрам убактарында букачарга бир эйфа, кочкорго бир эйфа нан курмандыгын кошуп берсин, козуларга колунан келгенин кошуп берсин. Ал эми майдан бир эйфага бир гин кошуп берсин+. 12  Төрө Жахабага ыктыярдуу курмандык катары бүтүндөй өрттөлүүчү курмандык+ же тынчтык курмандыктарын алып келсе, ага чыгышты караган дарбазаны ачып бериш керек+. Ал бүтүндөй өрттөлүүчү курмандыгын, тынчтык курмандыктарын ишемби күндөгүдөй алып келиши керек+. Анан ал чыгып кеткенде, дарбаза жабылсын+. 13  Күнүгө бүтүндөй өрттөлүүчү курмандык катары Жахабага кемтиги жок бир жашар козу алып кел+. Аны күн сайын эртең менен алып кел. 14  Аны менен кошо күнүгө эртең менен эйфанын алтыдан бир бөлүгүнчөлүк нан курмандыгын, эң жакшы ундун үстүнө чачыратыш үчүн гиндин үчтөн бир бөлүгүнчөлүк май алып кел+. Жахабага нан курмандыгын тартуу кылуу жөнүндөгү көрсөтмө кылымдан кылымга, дайыма сакталууга тийиш. 15  Бүтүндөй өрттөлүүчү курмандыкка күнүгө эртең менен козу, нан курмандыгын, май алып келишсин“. 16  Эгедер Теңир Жахаба мындай дейт: „Төрө уулдарынын ар бирине мурас катары белек бергенде, ал белек уулдарынын энчиси болот. Ал — алардын мураска алган ээлиги. 17  Эгер төрө мурасынын кайсы бир бөлүгүн кулдарынын бирине белек кылып берсе, ал ага эркиндикке чыгуу жылына+ чейин таандык болот. Андан соң төрөгө кайтарылат. Анын мурасы биротоло уулдарына гана өтөт. 18  Төрө элдин эч кандай мурасын албашы керек, алардын ээлигин тартып албашы керек+. Элим өз ээлигинен кууп чыгарылбашы үчүн+, төрө уулдарына өзүнө таандык ээликтен гана мурас бөлүп берүүгө тийиш“». 19  Анан ал мени дарбазанын жанындагы кире бериш+ аркылуу дин кызматчыларга таандык ыйык ашканаларга, түндүктү караган ашканаларга, алып барды+. Ошол жакта, батыш тарабында, арт жакта бир жер бар экен. 20  Ал мага: «Дин кызматчылар сырткы короого элди ыйыктагыдай+ эч нерсе алып чыкпашы үчүн ушул жерде айып курмандыгы менен күнөө курмандыгынын этин+ кайнатып+, нан курмандыгын+ бышырышат»,— деди. 21  Анан ал мени сырткы короого алып чыгып, короонун төрт бурчундагы тирөөчтөрдүн жанына алып барды. Ар бир бурчтагы тирөөчтүн жанында өзүнчө короо бар экен. 22  Короонун төрт бурчундагы тирөөчтөрдүн жанында узундугу 40, туурасы 30 чыканак келген чакан короолор бар экен. Төртөөнүн тең көлөмү, бурч курулмалары бирдей экен. 23  Төртөөнүн ичинде тегерете таш тизилип, асты жагында курмандыктын этин кайнатуучу жайлар+ бар экен. 24  Ошондо ал мага: «Булар — курмандыктын этин кайнаткандардын үйлөрү. Бул жерде Үйдүн кызматчылары элдин курмандыгынын этин кайнатышат»,— деди+.

Шилтемелер