Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жезекиел 44:1—31

44  Анан ал мени кайрадан ыйык жайдын чыгышты караган сырткы дарбазасына алып барды+. Дарбаза жабык экен+.  Ошондо Жахаба мага мындай деди: «Бул дарбаза жабык бойдон калат, ачылбайт. Мындан Ысрайылдын Кудайы+ Жахаба өзү киргендиктен, бир да киши кирбейт. Бул дарбаза жабык турушу керек.  Бирок төрө+ Жахабанын алдында нан жеш үчүн+ төрөдөй болуп ушул жакта отурат. Ал дарбазанын далиси аркылуу кирип, далиси аркылуу чыгат»+.  Анан ал мени түндүк дарбаза аркылуу Үйдүн алдына алып барды. Ошондо мен Жахабанын үйүнүн Жахабанын даңкына толуп турганын көрүп+, жүзтөмөндөп жыгылдым+.  Жахаба мага мындай деди: «Адам уулу, сага айта тургандарымды, Жахабанын үйүнө байланыштуу көрсөтмөлөрдүн, мыйзамдардын бардыгын жүрөгүңө түй+, көзүң менен көр, кулагың менен ук. Үйдүн кире беришине, ыйык жайдын бардык чыга бериштерине көңүл бур.  Козголоңчуларга+, Ысрайыл үйүнө, мындай де: „Эгедер Теңир Жахаба мындай дейт: “Оо, Ысрайыл үйү, силер жийиркеничтүү иштериңер менен чектен чыгып кеттиңер+.  Силер жүрөгү сүннөттөлбөгөн, сүннөткө отургузулбаган бөтөн жерликтерди алып келип жатасыңар+. Алар менин ыйык жайыма, үйүмө кирип, арамдап жатышат. Силер мага тамак+ — май+ менен кан+ — алып келсеңер да, жийиркеничтүү иштериңер менен келишимимди бузуп жатасыңар+.  Ыйык нерселериме байланыштуу милдеттериңерди аткарган жоксуңар+. Ыйык жайымдагы иштерди аткарышы үчүн, ордуңарга башкаларды дайындаган жоксуңар”“+.  „Эгедер Теңир Жахаба мындай дейт: “Жүрөгү сүннөттөлбөгөн, сүннөткө отургузулбаган бөтөн жерликтердин бири да, Ысрайыл уулдарынын арасындагы бир да бөтөн жерлик ыйык жайыма кирбеши керек”“+. 10  „Ысрайыл менден баш тартып, заңдай жийиркеничтүү буркандарын ээрчип жүргөн убакта+ менден алыстап кеткен лебилер+ да кылмышы үчүн жазаланат. 11  Кийин алар Үйдүн дарбазаларын көзөмөлдөөгө дайындалып, ыйык жайымда кызмат кылышат, Үйдүн кызматчылары болушат+. Алар эл үчүн бүтүндөй өрттөлүүчү курмандыктарды жана башка курмандыктарды союшат+, элдин алдында туруп, аларга кызмат кылышат+. 12  Ысрайыл үйүнө заңдай жийиркеничтүү буркандарынын алдында кызмат кылып+, аларды күнөөгө түрткөнү үчүн+, колумду аларга каршы сундум+,— дейт Эгедер Теңир Жахаба,— алар өз кылмышы үчүн жазаланат. 13  Алар мага жакындашпайт, дин кызматчы болушпайт, менин ыйык, абдан ыйык нерселериме жолошпойт+. Алар басынтылышат, жийиркеничтүү иштеринин кесепетин тартышат+. 14  Ошондон кийин мен аларды Үйдөгү милдеттерди, андагы кызмат менен иштердин баарын аткарууга дайындайм“+. 15  „Ысрайыл уулдары адашып, менден алыстап жүргөн убакта+ ыйык жайымдагы милдеттерди аткарган дин кызматчы-лебилер+, Садок уулдары+, кызмат кылыш үчүн мага жакындашат, мага май+ менен кан алып келиш үчүн+ алдымда турушат+,— дейт Эгедер Теңир Жахаба.— 16  Ыйык жайыма ошолор киришет+, мага кызмат кылыш үчүн дасторконума жакындашат+, менин алдымда милдеттерин аткарышат+. 17  Алар ички короонун дарбазаларына киргенде зыгыр кийим кийсин, ички короонун дарбазаларында же ичкериде кызмат кылып жүрүшкөндө жүндөн токулган кийим кийбесин+. 18  Зыгырдан баш кийим+, зыгырдан чолок шым кийсин+. Тердете турган кийим кийбесин. 19  Сырткы короого, сырткы короодогу элге чыгышканда, алар кызмат кылганда кийген кийимдерин чечип+, ыйык ашканаларга+ калтырып, элди кийими менен ыйыктабаш үчүн башка кийим кийип чыгышсын+. 20  Алар чачын кырдырбасын+, узун кылып да өстүрбөсүн, сөзсүз кыркып турушсун+. 21  Дин кызматчылар ички короого киргенде шарап ичпесин+. 22  Алар жесирге же күйөөдөн чыккан аялга үйлөнбөсүн+. Бирок Ысрайыл үйүнүн тукумунан чыккан кызга+ же дин кызматчынын жесир калган аялына үйлөнсө болот“. 23  „Алар элимди ыйыкты ыйык эместен ажырата билүүгө үйрөтүп, таза менен таза эместин айырмасын көрсөтүшү керек+. 24  Алар сот иштерин териштирип+, өкүмдөрүмө ылайык сот жүргүзүшсүн+. Майрамдарга байланыштуу мыйзамдарымды+, көрсөтмөлөрүмдү аткарышсын, ишемби күндөрүмдү ыйыкташсын+. 25  Арамдалып калбаш үчүн дин кызматчы өлгөн кишинин үстүнө кирбесин. Бирок атасы же энеси, уулу же кызы, агасы же иниси, турмушка чыга элек эжеси же карындашы өлсө, арамдалса болот+. 26  Тазалангандан кийин жети күн өткөрсүн+. 27  Ал ыйык жайда кызмат кылыш үчүн ички короого, ыйык жайга кирген күнү өзү үчүн күнөө курмандыгын чалсын“+,— дейт Эгедер Теңир Жахаба. 28  „Алардын мурасы бар: мурасы менмин. Аларга Ысрайылдан эч кандай энчи бербегиле: алардын энчиси менмин+. 29  Алар нан курмандыгынан, күнөө курмандыгынан, айып курмандыгынан жешет+. Ысрайылда арналган нерселердин баары аларга таандык болот+. 30  Ар кандай биринчи түшүмүңдүн эң жакшысы, ар кандай тартууларыңдын эң жакшысы — ошонун баары дин кызматчыларга таандык болот+. Үйүңөрдөн бата кетпеши үчүн+, биринчи акшагыңарды да дин кызматчыга бергиле+. 31  Дин кызматчылар эч кандай тарпты, жырткыч жара тартып кеткен кушту же жаныбарды жебесин“+.

Шилтемелер