Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жезекиел 32:1—32

32  Он экинчи жылдын он экинчи айынын биринчи күнүндө Жахаба мага мындай деди:  «Адам уулу, Мисир падышасы фараон жөнүндө кошок кошуп, ага айт: „Сен элдердин арасында жалдуу жаш арстандай болсоң да, үнүң басылды+. Сен деңиздеги алп жаныбардай элең+, дарыяларыңда атырылып, сууларды буттарың менен ылайлап, дарыяларды булгачусуң“.  Эгедер Теңир Жахаба мындай дейт: „Мен көп элдердин жыйынын колдонуп, үстүңө торумду ыргытам+. Алар сени торума түшүрүшөт+.  Мен сени кургактыкка таштайм, талаага ыргытам+. Үстүңө бардык асман канаттууларын кондурам, сени жер жүзүндөгү жапайы жаныбарларга жем кылам+.  Этиңди тоолорго таштайм, өрөөндөрдү тарпыңа толтурам+.  Тоолордон аккан каныңды жерге ичирем+; сайлар каныңа толот“.  „Сен өчкөндө, асманды жабам, андагы жылдыздарды түнөртөм. Күндү булуттар менен жабам; ай да жарыгын чачпай калат+.  Сен үчүн асмандагы чырактардын баарын түнөртөм, жериңе караңгылык каптатам“,— дейт Эгедер Теңир Жахаба.  „Элиңди өзүң билбеген жерлерге, башка элдердин арасына туткунга айдап+, көп элдердин жүрөгүн ыза кылам. 10  Сен аркылуу көптөгөн элдерди сестентем+. Кылычымды падышаларынын бет алдында шилтегенде+, алар коркуп, селт этишет. Сен кулаган күнү ар бири өз жаны үчүн коркуп, көз ирмем сайын титирешет“+. 11  Эгедер Теңир Жахаба мындай дейт: „Сага каршы Бабыл падышасынын кылычы келет+. 12  Мен сенин элиңди күчтүүлөрдүн кылычы менен сулатам. Алардын баары — элдердин зулумдары+. Алар Мисирдин сыймыгын талап-тоноп, бүт элин кырып салат+. 13  Мен анын чоң суулардын жээгиндеги бүт малын кырам+, ошондон кийин ал сууларды адамдын буту да, малдын туягы да ылайлабайт“+. 14  „Ошол убакта алардын сууларын тазартам, дарыяларын майдай агызам“,— дейт Эгедер Теңир Жахаба. 15  „Мен Мисир жерин ээн калтырганда, жер молчулугунан ажыраганда+, анда жашагандардын баарын кырганымда, менин Жахаба экенимди билишет+. 16  Бул — кошок, аза ыры. Элдердин кыздары кошок кошуп, Мисир жөнүндө, анын калың эли жөнүндө ырдашат“+,— дейт Эгедер Теңир Жахаба». 17  Он экинчи жылы, айдын он бешинчи күнү Жахаба мага мындай деди: 18  «Адам уулу, Мисирдин элин жоктоп ыйла. Анын да, улуу элдердин кыздарынын да көргө киргендер+ менен бирге жердин түбүнө+ түшөрүн айт+. 19  „Башкалардан эмнең артык?+ Төмөн түшүп, сүннөткө отургузулбагандардын жанына жат!“+ 20  „Алар кылычтан өлгөндөрдүн арасына кулайт+. Ал кылычтын мизине берилди. Аны калың эли менен кошо сүйрөп кеткиле. 21  Күчтүү кишилердин эң көрүнүктүүлөрү көрдөн* ага жана анын жардамчыларына кайрылышат+. Алар төмөн түшүп+, сүннөткө отургузулбагандар, кылычтан өлгөндөр катары жатышат. 22  Ашур бүт аскери менен ошол жерде жатат+. Ашурлуктардын мүрзөлөрү падышасынын тегерегинде*. Баары өлтүрүлгөн, кылычтан сулаган+. 23  Мүрзөлөрү аңдын эң түбүндө жайгашып+, аскери анын көрүстөнүнүн тегерегинде жатат. Баары өлтүрүлгөн, кылычтан сулаган, анткени тирүүлөрдүн жерине коркунуч каптатышкан. 24  Эйлам+ бүт аскери менен ошол жерде, анын көрүстөнүнүн тегерегинде жатат. Баары — өлтүрүлгөндөр, кылычтан сулагандар, сүннөткө отургузулбагандар катары жердин түбүнө түшкөндөр. Алар тирүүлөрдүн жерине коркунуч каптатышкандыктан көргө түшкөндөр менен бирге басынтылат+. 25  Ага өлтүрүлгөндөрдүн, элинин арасынан жай беришкен+. Мүрзөлөрү ошонун тегерегинде. Баары — сүннөткө отургузулбагандар; алар кылычтан өлгөн+, анткени тирүүлөрдүн жерине коркунуч каптатышкан. Алар көргө түшкөндөр менен бирге басынтылат. Ал өлтүрүлгөндөрдүн арасына коюлган. 26  Мешех+ менен Тубал+ бүт аскерлери менен ошол жерде жатат. Мүрзөлөрү анын тегерегинде. Баары — сүннөткө отургузулбагандар; алар кылычтан кырылган, анткени тирүүлөрдүн жерине коркунуч каптатышкан. 27  Алар сүннөткө отургузулбагандардын өлгөн күчтүүлөрүнүн+, курал-жарактары менен көргө* түшкөндөрдүн, жанына жатпайбы? Алар кылычтарын башына жаздап жатышат, кылмыштары сөөктөрүнүн үстүндө калат+, анткени күчтүүлөр тирүүлөрдүн жерине коркунуч каптатышкан+. 28  Сен да сүннөткө отургузулбагандардын арасында кыйратыласың, кылычтан өлгөндөр менен бирге жатасың. 29  Эдом+, анын падышалары, бардык башчылары ошол жерде жатат. Алар күчтүү болгонуна карабай кылычтан өлгөндөрдүн+ арасына коюлуп, сүннөткө отургузулбагандар+, көргө түшкөндөр менен бирге жатышат. 30  Түндүктүн бардык төрөлөрү, сидондуктардын+ баары ошол жерде жатат. Алар өздөрүнүн күчү менен коркунуч каптатышса да, уят болуп, өлтүрүлгөндөр менен бирге төмөн түшүшкөн. Сүннөткө отургузулбагандар катары алар кылычтан өлгөндөр менен бирге жатышат, көргө түшкөндөр менен бирге басынтылышат+. 31  Фараон аларды көрүп, бүт эли үчүн көңүлү тынчыйт+. Фараон менен анын бүт аскери кылычтан өлөт“,— дейт Эгедер Теңир Жахаба. 32  „Ал тирүүлөрдүн жерине коркунуч каптаткан+. Фараон бүт эли менен сүннөткө отургузулбагандардын арасына, кылычтан өлгөндөрдүн жанына жатат“,— дейт Эгедер Теңир Жахаба».

Шилтемелер

Евр. шеол. Кара: 8-тирк.
Сөзмө-сөз: «мүрзөлөрү анын тегерегинде».
Евр. шеол. Кара: 8-тирк.