Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жашыя 20:1—9

20  Анан Жахаба Жашыяга мындай деди:  «Ысрайыл уулдарына мындай деп айт: „Мен силерге Муса аркылуу айткан баш калкалоочу шаарларды бөлүп койгула+.  Ал жакка кимдир бирөөнү* кокусунан өлтүрүп алган киши качып барат+. Ал шаарлар силерди өлгөн кишинин кунун кууган адамдан калкалай турган шаарлар болот+.  Киши өлтүрүп алган адам ал шаарлардын бирине качып барсын да+, анын дарбазасынын алдына туруп+, ал шаардын аксакалдарына эмне болгонун айтып берсин+. Ошондон кийин алар аны шаарына кабыл алып, баш калкалай турган жер беришсин. Ошентип, ал алар менен жашап калат.  Эгер өлгөн адамдын кунун кууган киши анын артынан кууп келсе, алар аны кун кууган кишинин колуна салып беришпесин+, анткени ал жакынын жек көргөндүктөн эмес, кокусунан өлтүрүп алган+.  Ал ошол шаарда жамааттын алдында сот жүргүзүлгөнгө чейин жашашы керек+. Күнөөсүз экени далилденгенден кийин, ошол учурдагы башкы дин кызматчы өлгөнгө чейин ошол шаарда жашап+, андан кийин өз шаарына, өз үйүнө, кайсы шаардан качып келсе, ошол шаарга кайтып барса болот“»+.  Ошондо алар Напталынын тоолуу аймагындагы Галилеядагы Кедешти+, Эпрайымдын тоолуу аймагындагы Шекемди+, Жүйүттүн тоолуу аймагындагы Кириат-Арбаны+, башкача айтканда, Хебронду ошол максатта ыйыкташты.  Андан сырткары, Жерихого жакын жерден, Иордандын чыгыш тарабынан, Рубейин уруусуна+ караштуу бөксө тоодогу чөлдө жайгашкан Безерди+, Гат уруусунун жеринен Гилаттагы Рамотту+ жана Менаше уруусуна караштуу Башандагы Голанды+ беришти.  Бул шаарлар Ысрайыл уулдары менен алардын арасында жашаган келгиндер үчүн баш калкалоочу шаарлар болот. Кимдир бирөөнү* кокусунан өлтүрүп алган адам+ жамааттын алдында сот жүргүзүлгөнгө чейин+ өлгөн адамдын кунун кууган кишинин колунан өлүп калбашы үчүн ошол шаарларга качып барат.

Шилтемелер

Сөзмө-сөз: «жанды».
Сөзмө-сөз: «жанды».