Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жашыя 18:1—28

18  Ысрайыл уулдары ал жерди басып алгандан кийин+, алардын бүт жамааты Шилого+ чогулуп, ошол жерге жыйын чатырын тигишти+.  Бирок Ысрайыл уулдарынын арасынан жети уруу үлүшүн ала элек болчу.  Ошондуктан Жашыя Ысрайыл уулдарына мындай деди: «Эмнеге создуктуруп жатасыңар?+ Баргыла да, ата-бабаларыңардын Кудайы Жахаба берген жерди ээлегиле+.  Ар бир уруудан үчтөн киши тандагыла. Мен аларды жиберейин, алар барышсын да, ал жерди кыдырып, аны бөлүштүрүү үчүн чиймесин чийип, мага алып келишсин+.  Ал жерди жетиге бөлүшсүн+. Жүйүт өз жеринде, түштүктө+, ал эми Жусуптун уулдары өздөрүнүн жеринде, түндүктө калышат+.  Силер ал жерди кыдырып, чиймесин түшүргүлө. Анан ал жерди жетиге бөлүп, чиймесин мага алып келгиле. Мен болсо ушул жерде силер үчүн Жахаба Кудайыңардын алдында өкчөмө таш ыргытам+.  Лебилер силер менен бирге үлүш албайт+, анткени алардын үлүшү — Жахабанын чатырында* кызмат кылуу+. Ал эми Гат менен Рубейин урууларына+ жана Менаше уруусунун жарымына+ Жахабанын кызматчысы Муса Иордандын чыгышынан үлүш берген»+.  Жердин чиймесин түшүрүп келгени бараткандарга Жашыя: «Барып, ал жерди кыдырып, чиймесин түшүрүп, мага алып келгиле. Мен бул жерде, Шилодо+, Жахабанын алдында силер үчүн өкчөмө таш ыргытам»+,— деди+.  Алар барышты да, ошол жердин баарын кыдырып, шаарлары менен кошо түрмөккө чиймесин түшүрүп+, ал жерди жетиге бөлүштү. Анан Шилодогу кошуунга, Жашыяга кайтып келишти. 10  Жашыя Шилодо Жахабанын алдында Ысрайыл уулдары үчүн өкчөмө таш ыргытып+, аларга үлүшүн бөлүп берди+. 11  Биринчи өкчөмө таш+ Бенжемин уруусундагы+ үй-бүлөлөргө түштү. Аларга Жүйүттүн уулдары+ менен Жусуптун уулдарынын+ ортосундагы жер тийди. 12  Алардын түндүктөгү чек арасы Иордандан башталып, андан Жерихонун+ түндүгүнө, андан ары батыштагы тоого чейин уланат да, Бет-Абен+ чөлүнө барып такалат. 13  Ал жерден Луздун+, башкача айтканда, Бейтелдин+ түштүгүнө чейин, андан ары Төмөнкү Бет-Орондун+ түштүгүндөгү тоодо жайгашкан Атарот-Адарга+ чейин уланат. 14  Анан Бет-Оронду караган тоодон түштүккө чейин, андан ары Жүйүт уулдарынын шаары Кириат-Баалга, башкача айтканда, Кириат-Жеаримге+ чейин созулат да, ошол жерден бүтөт. Бул — алардын батыш чек арасы. 15  Түштүк чек арасы Кириат-Жеаримден башталат да, батышты көздөй созулуп, Нептоах булагына+ чейин жетет. 16  Анан репаимдердин өрөөнүнүн+ түндүк жагында жайгашкан, Ином өрөөнүн+ караган тоонун этегине, андан ары Ином өрөөнүнө, жебустуктардын+ шаарынын түштүк жагына, андан ары карай Эн-Рогелге+ чейин созулат. 17  Ал жерден түндүккө, анан Эн-Шемешке, андан ары Адумимдин+ тушундагы Гелилотко чейин жетет. Анан ал жерден Рубейиндин уулу Боандын+ ташына+ чейин созулат. 18  Анан Арабанын тушундагы, түндүк жактагы эңкейиш жерге жетип, ал жерден Арабага чейин созулат. 19  Ал жактан Бет-Хогланын+ түндүк жагын көздөй уланып, аягы Туздуу деңиздин+ түндүк булуңунан, Иордан дарыясы куйган жерден, бүтөт. Бул — алардын түштүк чек арасы. 20  Ал эми чыгыш чек арасы Иордан болгон. Бул — Бенжемин уруусундагы үй-бүлөлөргө тийген жердин чек арасы. 21  Бенжемин уруусуна тийген шаарлар булар: Жерихо+, Бет-Хогла, Эмек-Кезис, 22  Бет-Араба+, Семарайым, Бейтел+, 23  Абым, Пара, Опра+, 24  Кепар-Амонай, Опни, Геба+; айыл-кыштактары менен он эки шаар. 25  Гибон+, Рама, Бейрот, 26  Миспе+, Кепира+, Моса, 27  Рекем, Ирпеил, Тарала, 28  Зела+, Ха-Элеп, жебустуктардын шаары, башкача айтканда, Иерусалим+, Гиба+, Кириат; айыл-кыштактары менен он төрт шаар. Бул — Бенжемин уруусундагы үй-бүлөлөргө тийген үлүш+.

Шилтемелер

Же: «Жахабанын дин кызматчылары катары».