Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Жакан 7:1—53

7  Андан кийин Иса Галилеяда кабар айтып жүрдү. Анын Жүйүт жерине баргысы келген жок, анткени жүйүттөр аны өлтүрүүнүн амалын издеп жатышкан эле+.  Жүйүттөрдүн алачык майрамы+ жакындап калганда,  инилери+ Исага: «Бул жерден чыгып, Жүйүт жерине бар, иштериңди шакирттериң да көрсүн.  Анткени элге таанымал болгусу келген адам бир да ишин жашыруун жасабайт. Ушундай иштерди кылып жаткан соң, өзүңдү дүйнөгө тааныт да»,— дешти.  Чындыгында, алар+ Исага ишенишчү эмес+.  Ошондуктан Иса аларга: «Менин убагым али келе элек+. Силер болсо ал майрамга каалаган убагыңарда бара аласыңар.  Дүйнөнүн силерди жек көрүшүнө эч кандай себеп жок, мени болсо жек көрөт, анткени мен анын иштеринин жаман экенин күбөлөндүрүп жатам+.  Силер майрамга бара бергиле. Мен азырынча барбайм+, себеби убагым келе элек»,— деди+.  Ушуларды айтып, ал Галилеяда калды. 10  Бирок бир туугандары майрамга кеткенден кийин, Иса да жолго чыкты. Ал майрамга эч кимге билгизбей, жашыруун барды+. 11  Ошондуктан майрам учурунда жүйүттөр: «Ал кайда?» — деп, аны издей башташты+. 12  Эл арасында Иса тууралуу ар кандай күбүр-шыбыр сөздөр айтылып жатты+. Кээ бирлери: «Ал — жакшы киши»,— десе, башкалары: «Жок, ал элди адаштырып жүрөт»,— деп жатышты. 13  Бирок жүйүттөрдөн* корккондуктан эч кимиси ал жөнүндө оюн ачык айта алган жок+. 14  Майрам ортолоп калганда, Иса ибадатканага барып, элди окута баштады+. 15  Жүйүттөр болсо: «Диний мектептерде окубай туруп+ бул мындай билимди кайдан алган?»+ — деп таң калып жатышты. 16  Иса аларга мындай деди: «Мен үйрөткөн окуулар меники эмес, мени жибергендики+. 17  Ким Анын эркин аткаргысы келсе, бул окуунун Кудайданбы+ же аны мен оюман чыгарып айтып жатамбы, билип алат. 18  Ким өз оюнан чыгарып сүйлөсө, ал өзүнүн даңкталышын каалайт+. Ал эми ким өзүн жибергендин даңкталышын кааласа, ал — чындыктын кишиси. Анда жалгандык жок. 19  Силерге Муса Мыйзам берген эмес беле?+ Бирок бириңер да Мыйзамга баш ийбейсиңер. Мени эмне үчүн өлтүргүңөр келип жатат?»+ 20  Ошондо тигилер: «Сенин ичиңде жин бар+. Сени ким өлтүрөм деп жатат?» — дешти. 21  Иса мындай деп жооп берди: «Мен бир эле иш жасасам+, баарыңар таң калып жатасыңар. 22  Бул тууралуу ойлонуп көрсөңөр: Муса силерге сүннөткө отургузуу жөнүндө мыйзам берген+; чынында, сүннөткө отургузуу Мусадан эмес, ата-бабалардан калган+. Ал мыйзамга ылайык, силер ишемби күнү да сүннөткө отургузасыңар. 23  Мусанын мыйзамы бузулбасын деп, ишемби күнү сүннөткө отургузуп жатсаңар, анда эмне үчүн ишемби күнү кишини сопсоо кылып айыктырып койгонума ачууланып жатасыңар?+ 24  Адамды сыртына карап соттогонуңарды токтоткула, адилет сот жүргүзгүлө»+. 25  Ошондо Иерусалимдин айрым тургундары: «Ушуну өлтүрөбүз деп жүрүштү беле?+ 26  Карасаңар, бул эл алдында ачык эле сүйлөп жатат+, буга эч ким эч нерсе деген жок. Же башчыларыбыз да мунун Машаяк экенине ишенип калышканбы?+ 27  Бирок биз мунун кайдан экенин билебиз да+. Машаяк келгенде болсо, анын кайдан экенин эч ким билбейт»,— дешти+. 28  Ошондо Иса ибадатканада элди окутуп жатып үнүн бийик чыгара: «Силер менин ким экенимди, кайдан келгенимди билесиңер+. Бирок мен өзүмөн өзүм келген жокмун+. Мени жибергендин чынында эле бар экени анык+. Силер аны билбейсиңер+. 29  Мен болсо билем+, анткени анын өкүлүмүн. Мени ал жиберген»,— деп айтты+. 30  Ушундан улам аны кармоонун амалын издей башташты+, бирок эч кимиси кармай алган жок, анткени анын убагы келе элек болчу+. 31  Ал эми элдин арасынан көптөр Исага ишенип калышты+. Алар: «Машаяк келгенде кантип эле мындан да көп керемет жасасын?» — деп жатышты+. 32  Фарисейлер эл арасында Иса жөнүндө ушундай сөздөр айтылып жатканын угушту. Ошондуктан алар жана жогорку дин кызматчылар аны кармап келгенге сакчыларды жиберишти+. 33  Иса: «Дагы бир аз убакыт араңарда болом, андан кийин мени жибергенге кайтып барам+. 34  Мени издейсиңер+, бирок таппайсыңар. Мен барган жакка силер бара албайсыңар»,— деди+. 35  Ошондо жүйүттөр: «Биз таба албагыдай, бул кайда барганы жатат? Гректердин арасына чачырап кеткен жүйүттөргө+ барып, гректерди да окутканы жатабы? 36  „Мени издейсиңер, бирок таппайсыңар. Мен барган жакка силер бара албайсыңар“,— деген сөздөрүн кандай түшүнсө болот?» — деп өз ара сүйлөшүп жатышты. 37  Майрамдын маанилүү күнү+, акыркы күнү, келгенде, Иса ордунан туруп, үнүн бийик чыгара: «Ким суусаса+, мага келсин. Мен ага суу берем. 38  Ыйык Жазмада айтылгандай, мага ишенгендин+ „ичинен өмүр суусу агат“»,— деди+. 39  Ал өзүнө ишенгендер ала турган ыйык рух жөнүндө айтты. Себеби Иса даңктала элек болгондуктан+, аларга ыйык рух бериле элек болчу+. 40  Аны угуп тургандардын айрымдары: «Бул чынында эле Пайгамбар экен»,— десе+, 41  башкалары: «Бул — Машаяк»,— деп жатышты+. Бирок кээ бирлери: «Машаяк+ Галилеядан чыкмак беле?+ 42  Ыйык Жазмада Машаяк Дөөтүнүн тукумунан+, Дөөтү жашаган+ Бетлехем+ айылынан чыгат деп айтылбады беле?» — дешти. 43  Ошентип, эл Иса тууралуу талашып, ич ара бөлүнө баштады+. 44  Алардын кээ бирлери аны кармагысы келди, бирок эч кимиси кармай алган жок. 45  Сакчылар жогорку дин кызматчылар менен фарисейлерге кайтып келгенде, алар: «Аны эмнеге кармап келген жоксуңар?» — деп сурашты. 46  Сакчылар: «Эч ким эч качан бул кишидей сүйлөгөн эмес»,— деп жооп беришти+. 47  Ошондо фарисейлер: «Эмне, силер да алданып калдыңарбы? 48  Башчылар менен фарисейлердин ичинен ага ишенген бирөө болду беле?+ 49  Ал эми Мыйзамды билбеген бул эл каргышка калган»,— дешти+. 50  Фарисейлердин бири, мурда Исага келип кеткен Никедим, аларга: 51  «Биздин мыйзам боюнча, адамдын өзүн укпай туруп, эмне кылганын териштирбей туруп ага өкүм чыгарууга болобу?» — деди+. 52  Фарисейлер: «Эмне, сен да галилеялыксыңбы? Ыйык Жазманы изилдеп көр, ошондо Галилеядан пайгамбар чыкпай турганын көрөсүң»+,— деп жооп беришти*. * Байыркы беделдүү кол жазмалардын айрымдарында 53-аяттан 8-бөлүмдүн 11-аятына чейинки төмөнкү текст алынып салынган (ар кайсы грекче тексттерде жана котормолордо анча-мынча айырмачылыктар бар): 53  Андан кийин баары үйлөрүнө тарап кетишти.

Шилтемелер

Сыягы, жүйүттөрдүн диний жетекчилеринен.