Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Еврейлер 9:1—28

9  Мурунку келишимдин ыйык кызматка+ байланышкан талаптары жана жердеги ыйык жайы+ болгон.  Анткени курулган чатырдын «Ыйык жай»+ деп аталган биринчи бөлүгүндө+ чыракпая+, үстөл+ жана Кудайга тартуу катары алынып келген нандар турчу+.  Экинчи көшөгөнүн+ артында «Ыйыктын ыйыгы»*+ деп аталган бөлүгү жайгашкан болчу.  Ал жакта жыпарзат түтөтүлчү алтын идиш+, бүт бойдон алтын менен капталган+ келишим сандыгы*+ турчу. Сандыктын ичинде манна салынган алтын идиш+, Арундун бүчүр байлаган таягы+ жана келишим жазылган лооктор бар эле+.  Ал эми сандыктын үстүнө даңктуу керуптар*+ орнотулган болчу, алардын көлөкөсү элдештирүү капкагына*+ түшүп турчу. Бирок азыр буларга токтоло турган учур эмес.  Бардыгы ушундайча жайгаштырылгандан кийин дин кызматчылар ыйык кызматка байланышкан милдеттерин аткаруу үчүн+ чатырдын биринчи бөлүгүнө+ ар убак киришет.  Экинчи бөлүгүнө болсо жылына бир эле жолу башкы дин кызматчы гана кирет+. Ал өзү үчүн+ жана элдин билбей жасаган күнөөлөрү үчүн+ кан алып кирет+.  Ошентип, ыйык рух көрсөтүп тургандай, биринчи чатыр турганда+, ыйык жайга кирүүгө жол+ ачыла элек болчу.  Бул чатыр азыркы убак үчүн+ мисал болуп саналат+, ошого ылайык, тартуулар берилип+, курмандыктар чалынып жатат. Бирок тартуулар менен курмандыктар Кудайга кызмат кылган адамдын абийирин+ жеткилең түрдө тазалай албайт+. 10  Алар тамак-ашка+, ичимдикке+, ошондой эле жуунуу* расмилерине+ гана тиешелүү. Мыйзамдын бул талаптары денеге тиешелүү болуп+, бардыгын оңдоого белгиленген убак келгенге чейин+ күчүндө болгон. 11  Бирок Машаяк — аткарылган жакшы нерселердин башкы дин кызматчысы+ — адам баласынын колу менен курулбаган, жерге таандык болбогон алда канча улуу, жеткилең чатырга кирген+. 12  Ал ыйык жайга текелердин, букачарлардын каны менен эмес+, өзүнүн каны менен+ бир эле жолу кирип, биз үчүн түбөлүк куткарылууга жол ачкан+. 13  Эгер текелер+ менен букалардын каны+, кунажындын күлү+ арамдалып калгандардын+ үстүнө чачылганда денени тазалап, ыйыктаган болсо+, 14  анда түбөлүк рух аркылуу өзүн Кудайга кемтиксиз курмандык катары берген+ Машаяктын каны+, тирүү Кудайга ыйык кызмат кыла алышыбыз үчүн+, абийирибизди өлүк иштерден+ ого бетер тазалабайбы?+ 15  Мына ошондуктан Машаяк — жаңы келишимдин арачысы+. Чакырылгандар мурунку келишимдин тушундагы кылмыштардан+ кун аркылуу+ боштондукка чыгып, түбөлүк мурас жөнүндөгү убаданы алышы үчүн+, ал арачы катары өлгөн. 16  Себеби Кудай менен түзүлгөн келишим+ бар жерде ал келишимдин түзүлүшүнө ортомчу болгондун өлүмү талап кылынат. 17  Келишим өлүмдөн кийин гана күчүнө кирет, анткени ортомчу тирүү кезде келишим күчүнө кирбейт. 18  Ошондуктан мурунку келишим+ да кан менен бекитилген+. 19  Муса Мыйзамдын ар бир осуятын эл алдында жарыялагандан кийин+ ачык кызыл түстөгү жүн менен иссопту+ алып, букачарлар менен текелердин суу аралаштырылган канын китепке жана бүт элге чачыратып: 20  «Бул — Кудай силерге аткарууну буйрук кылган келишимдин каны»,— деген+. 21  Ошондой эле ыйык кызматта колдонулган бардык идиштер менен чатырга да кан+ чачыраткан+. 22  Ооба, Мыйзам боюнча, дээрлик бардык нерсе кан менен тазартылат+. Кан төгүлмөйүнчө+, кечирим болбойт+. 23  Ошондуктан асмандагынын чагылдырылышы болгон+ нерселер ушундай жол менен, ал эми асмандагы нерселер алда канча жакшы курмандыктар аркылуу тазартылышы керек болчу+. 24  Анткени Машаяк азыр биз үчүн Кудайдын алдында туруш үчүн+ чыныгы жайдын үлгүсү+ боюнча адамдын колу менен жасалган ыйык жайга эмес+, асмандын өзүнө кирген+. 25  Бирок Машаяк ал жакка, жыл сайын+ ыйык жайга+ өзүнүн эмес, курмандыктын каны менен кирген башкы дин кызматчыдан айырмаланып, өзүн кайра-кайра курмандыкка чалыш үчүн кирген эмес. 26  Болбосо ага дүйнө негизделгенден бери+ көп жолу азап чегүүгө туура келмек. Ал өзүн курмандыкка берип, күнөөнү жок кылыш үчүн+ дүйнө түзүлүштөрүнүн аяк ченинде+ бир эле жолу+ келген+. 27  Адамдар+ бир эле жолу өлүп, андан кийин соттолгондой эле+, 28  Машаяк да көптөрдүн күнөөсүн алып кетиш үчүн+ өзүн бир жолу, биротоло курмандыкка чалган+. Экинчи жолу+ келгенде+ ал күнөөнү жок кылыш үчүн келбейт+, аны куткарылууну чыдамсыздык менен күтүп жаткандар көрүшөт+.

Шилтемелер

1 896-беттеги «Сөздүктү» кара.
1 896-беттеги «Сөздүктү» кара.
Жогорку даражалуу периштелер.
1 896-беттеги «Сөздүктү» кара.
Адамдарды жана буюмдарды Мусанын мыйзамына ылайык жууну билдирет.