Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Бийлер 17:1—13

17  Эпрайымдын тоолуу аймагында+ Микей деген киши жашачу.  Бир күнү ал энесине: «1100 күмүш тыйыныңызды уурдап кеткенде, сиз уурдаган кишини каргабадыңыз беле+. Ошол күмүш менде, аны мен алган болчумун»,— деди+. Ошондо энеси: «Уулума Жахаба батасын берсин»,— деди+.  Уулу 1100 күмүш тыйынды энесине кайрып бергенде+, ал: «Мен бул күмүштү уулум үчүн Жахабага арнап, андан эки буркан+ жасатам. Бул күмүш сеники болот»,— деди.  Уулу күмүштү кайра энесине бергенде, энеси 200 күмүш тыйынды алып, зергерге+ берди. Ал андан эки буркан жасады+. Анан аларды Микейдин үйүнө коюп коюшту.  Микейдикинде кудайлар+ турган үй бар эле. Ал эфод+ менен терафим* жасап+, дин кызматчы болушу үчүн+ уулдарынын бирине бийлик берди*+.  Ал кезде Ысрайылда падыша жок эле+. Ар ким өзү туура көргөнүн жасачу+.  Жүйүт жериндеги Бетлехемде+ бир жаш леби+ бар эле. Ал бир канча убакыт Жүйүт уруусундагылардын арасында жашады.  Анан убактылуу башка жерде жашаш үчүн Жүйүт жериндеги Бетлехемден кетип калды. Ал жүрүп отуруп, Эпрайымдын тоолуу аймагында жашаган Микейдикине туш болду+.  Микей андан: «Кайдан келатасың?» — деп сурады. Ал: «Мен лебимин, убактылуу башка жерде жашаш үчүн Жүйүт жериндеги Бетлехемден келатам»,— деди. 10  Ошондо Микей ага: «Меникинде жашап, мага кеңешчи*+ жана дин кызматчы+ бол. Мен сага жылына он күмүш тыйын төлөп турам, ошондой эле сени тамак-аш, керектүү кийим менен камсыз кылам»,— деди. Ал аныкында калды. 11  Леби анын үйүндө жашаганга макул болду. Ал ага уулдарынын бириндей эле болуп калды. 12  Леби Микейдикинде жашап, дин кызматчы+ болуп кызмат кылышы үчүн, Микей ага бийлик берди+. 13  Анан ал: «Эми Жахаба мага батасын берет, анткени меникинде леби дин кызматчы болуп кызмат кылып калды»,— деди+.

Шилтемелер

1896-беттеги «Сөздүктү» кара.
Чг 28:41дин шилт-н кара.
Сөзмө-сөз: «ата».