Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Бийлер 11:1—40

11  Гилаттык+ Иптах+ күчтүү, эр жүрөк киши эле+. Ал сойку аялдын уулу болчу+. Атасынын аты Гилат эле.  Гилаттын аялы ага бир нече уул төрөп берген. Ал уулдары эр жеткенде Иптахка: «Сага атабыздын үйүнөн мурас берилбейт+, анткени сен бөлөк аялдын уулусуң» — деп, аны кууп жиберишти.  Иптах бир туугандарынан качып, Топ жерине+ барды да, ошол жерде жашап калды. Иптахтын жанына жумушу жок бош жүргөн кишилер чогулуп, аны менен бирге жортуулга чыгып жүрүштү+.  Бир нече убакыт өткөндөн кийин Амон уулдары Ысрайылга каршы согуш ачышты+.  Алар Ысрайыл менен согуша башташканда+, Гилаттын аксакалдары+ дароо Топ жерине+ барып, Иптахка:  «Бизге келип, аскер башчы бол, Амон уулдары менен согушалы»,— дешти.  Иптах аларга: «Силер мени жек көрүп, атамдын үйүнөн кууп жибербедиңер беле?+ Эми башыңарга кыйынчылык түшкөндө, мага эмнеге келдиңер?» — деди+.  Гилаттын аксакалдары: «Ошон үчүн сага келбедикпи+. Биз менен барып, Амон уулдары менен согуш. Ошондо Гилаттын бүт тургундарынын башчысы болосуң»,— дешти+.  Иптах аларга: «Эгер силер менен барып, Амон уулдары менен согушсам жана Жахаба аларды менин колума салып берсе+, анда мен силердин башчыңар болом!» — деди. 10  Алар: «Эгер сен айткандай кылбасак+, анда сени менен биздин ортобузда Жахаба өзү күбө болсун»,— дешти+. 11  Иптах Гилаттын аксакалдары менен кетти. Эл аны өздөрүнө башчы жана аскер башчы кылып дайындады+. Иптах бул сөздөрдүн баарын Миспада+ Жахабанын алдында айтты+. 12  Иптах Амон уулдарынын+ падышасына кишилерин жөнөтүп: «Менин жериме кирип келип, мени менен согушкудай, менде эмнең бар?» — деп айттырып жиберди+. 13  Амон уулдарынын падышасы анын кишилерине: «Мисирден чыгып келатканда+ Ысрайыл Арнондон+ тартып Жабокко чейинки, Иорданга+ чейинки жерлеримди тартып алган. Эми жеримди кайра тынчтык менен кайтарып бер»,— деди. 14  Бирок Иптах ага дагы кишилерин жөнөтүп, 15  мындай деп айттырып жиберди: «Иптах мындай дейт: „Маап жери+ менен Амон уулдарынын+ жерин Ысрайыл тартып алган эмес. 16  Мисир жеринен чыккандан кийин Ысрайыл чөл кезип, Кызыл деңизге+, анан Кадешке+ келген. 17  Ал Эдом+ падышасына киши жиберип: “Сенин жериң менен өтүп кеткенге уруксат эт”,— деп суранганда, Эдом падышасы макул болбой койгон. Андан соң Маап+ падышасына да киши жиберген, бирок ал да макул болбой койгон. Ошондуктан Ысрайыл Кадешке+ келип токтогон. 18  Чөл менен келатканда алар Эдом менен Маап жерин айланып өтүшкөн да+, Маап жеринин чыгыш тарабына келип+, кошуундары менен Арнон аймагына жайгашышкан. Арнон Мааптын чек арасы болчу+, андыктан алар Маап жерине киришкен эмес+. 19  Андан кийин Ысрайыл аморлуктардын падышасы Сихонго, Хешпон падышасына+, киши жиберип: ”Сенин жериң аркылуу өзүмдүн жериме өтүп кеткенге уруксат эт“,— деп айттырган+. 20  Бирок Ысрайылга ишенбегендиктен Сихон ага өзүнүн жеринен өтүүгө уруксат берген эмес. Ал бүт элин чогултуп, Жааска+ кошуунун жайгаштырып, Ысрайыл менен согуша баштаган+. 21  Ошондо Ысрайылдын Кудайы Жахаба Сихон менен анын бүт элин Ысрайылдын колуна салып берген. Ысрайыл аларды кырып, ал жерде жашаган аморлуктардын бүт жерин ээлеп алган+. 22  Алар аморлуктардын Арнондон Жабокко чейинки, ошондой эле чөлдөн Иорданга чейинки жерлеринин баарын ээлеп алышкан+. 23  Ошентип, Ысрайылдын Кудайы Жахаба аморлуктарды өзүнүн ысрайыл элинин алдынан кууп чыккан+. Сен болсо Ысрайылды кууп чыгам дейсиң. 24  Сага кудайың Кемос+ кимдердин жерин берсе, сен ошолордун жерин ээлеп алган эмес белең? Биз да Жахаба Кудайыбыз бизге кимдердин жерин берсе, ошолордун жерин ээлеп алабыз+. 25  Мааптын падышасы Зипор уулу Балактан сенин эмнең артык?+ Ал Ысрайыл менен талашып-тартышты беле же аны менен согушту беле? 26  Ысрайылдын Хешпондо жана ага караштуу шаарларда+, Ароерде+ жана ага караштуу шаарларда, ошондой эле Арнондун боюндагы шаарларда жашаганына үч жүз жыл болду. Эмнеге ал жерлерди ошол убакта тартып алган жоксуңар?+ 27  Мен сага каршы эч кандай күнөө кылган жокмун. Сен болсо мага согуш ачып, туура эмес кылып жатасың. Ысрайыл уулдары менен Амон уулдарын Жахаба Сотубуз+ өзү соттосун“». 28  Иптахтын айттырып жиберген сөздөрүнө Амон уулдарынын падышасы кулак салган жок+. 29  Ошондо Иптахка Жахабанын руху түшүп+, ал Гилат менен Менашеден, Гилаттагы Миспеден өтүп+, Амон уулдарына жөнөдү. 30  Анан Иптах Жахабага мындай деп ант берди+: «Эгер сен Амон уулдарын колума салып берсең, 31  анда Амон уулдары менен болгон согуштан жеңиш менен кайтып келгенимде+, үйүмдөн мени ким тосуп чыкса, ошол Жахабага таандык болот+, мен аны бүтүндөй өрттөлүүчү курмандыкка чалам»+. 32  Ошентип, Иптах Амон уулдары менен согушканы барды. Жахаба аларды анын колуна салып берди. 33  Иптах аларды Ароерден Минитке+ чейин кырып, жыйырма шаарын басып алды. Ал аларды Абыл-Керамимге чейин кырып, абдан көп кишисин өлтүрдү. Ошентип, Амон уулдары Ысрайыл уулдарына багынып беришти. 34  Акыры, Иптах Миспага+, үйүнө кайтып келгенде, кызы дап кагып, бийлеп алдынан тосуп чыкты+. Ал анын жалгыз кызы болчу, андан башка эркек баласы да, кызы да жок болчу. 35  Аны көргөндө Иптах кийимин айрып жиберип+: «Аттиң ай, кызым, жүрөгүмдү жаралабадыңбы! Мен кетире турган киши сен болуп калбадыңбы! Мен Жахабага убада берип койгом, эми аны буза албайм»,— деди+. 36  Ошондо кызы: «Ата, эгер Жахабага убада берип койгон болсоңуз, анда ал убадаңызды аткарыңыз+, анткени Жахаба сиз үчүн душмандарыңыздан, Амон уулдарынан, өч алды»,— деди. 37  Анан: «Сизден суранарым, мени эки айга коё бериңиз, так өтө тургандыктан+ курбу кыздарым менен тоого чыгып, ыйлап келейин»,— деди. 38  Атасы: «Барып кел» — деп, аны эки айга коё берди. Ал курбу кыздары менен тоого чыгып, өмүрү өткөнчө турмуш курбай турганына ыйлады. 39  Эки айдан кийин атасына кайтып келгенде, атасы ага байланышкан убадасын аткарды+. Ошентип, Иптахтын кызы так өттү. Ошондон тартып Ысрайылда мындай салт пайда болгон: 40  жыл сайын ысрайылдык кыздар гилаттык Иптахтын кызын мактаганы барышат. Алар анын жанында жылына төрт күн болушат+.

Шилтемелер