Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Башталыш 34:1—31

34  Лиянын Жакыпка төрөп берген кызы Дина+ ал жердин кыздары+ менен көп жүрчү+.  Аны ошол жердин башчысы хибилик+ Хамордун уулу Шекем да көрдү. Бир күнү ал аны кармап алып, зордуктап койду+.  Жакыптын кызы Динага анын көңүлү түшүп, абдан жакшы көрүп калды, ошондуктан аны жакшы көрөрүнө ынандыра баштады.  Анан Шекем атасы Хаморго+: «Бул кызды мага алып бер»,— деди+.  Жакып Шекемдин Динаны бузуп койгонун укканда, балдары талаада мал менен жүрүшкөн болчу+. Ошондуктан алар келгиче, Жакып бул тууралуу эч кимге айткан жок+.  Бир нече убакыт өткөндөн кийин Шекемдин атасы Хамор Жакып менен сүйлөшкөнү келди+.  Жакыптын уулдары эмне болгонун угар замат талаадан келишти. Алар ызаланып, ачууланып жатышты+, анткени Шекем Жакыптын кызы менен жатып, Ысрайылды уятка калтырып+, жаман иш кылды+.  Хамор аларга: «Уулум Шекем кызыңарды жактырып калыптыр+. Суранам, аны уулума берип+,  биз менен тууган болгула+. Кыз алышып, кыз беришели+. 10  Биз менен чогуу жашагыла, биздин жер силердин жериңер болсун. Ушул жерге отурукташып, соода-сатык жүргүзүп, жашай бергиле»+,— деди. 11  Андан кийин Шекем Динанын атасы менен бир туугандарына: «Силердин көз алдыңарда ырайым тапсам эле болду. Эмне сурабагыла, баарын берем. 12  Кандай калың бычып+, эмне сурабагыла, баарын берем. Кызыңарды мага берсеңер эле болду»,— деди. 13  Жакыптын уулдары, Шекем алардын карындашы Динаны бузуп койгондуктан, Шекем менен анын атасын алдап+, 14  мындай дешти: «Жок, анте албайбыз. Карындашыбызды сүннөткө отургузулбаган кишиге бере албайбыз+, бул биз үчүн уят иш. 15  Биздей болуп, эркек аттууңардын баары сүннөткө отургузулганда гана+, макулдугубузду беребиз. 16  Ошондо кыз алышып, кыз беришип, силер менен чогуу жашап, бир эл болобуз+. 17  Эгер сүннөткө отургузулганга макул болбосоңор, кызыбызды алып кетебиз». 18  Алардын айтканы Хамор менен анын уулу Шекемге+ жагып калды. 19  Шекем Жакыптын кызын абдан жакшы көрүп калгандыктан алардын талабын аткарганча шашты+. Ал атасынын үйүндөгүлөрүнүн+ ичинен эң кадырлуусу эле+. 20  Ошентип, Хамор менен анын уулу Шекем өздөрүнүн шаарынын дарбазасына келип+, элге мындай дешти: 21  «Булар биз менен тынчтыкта болгусу келет экен+. Жер кенен эмеспи+, бул жерге отурукташып, соода-сатык жүргүзө беришсин. Алар менен кыз алышып, кыз беришели+. 22  Бирок алар, эркек аттууларыбыздын баары алардай болуп сүннөткө отургузулганда гана+, биз менен жашап, бир эл болушат экен. 23  Ошентсек, алардын мүлкү, байлыгы, бүт малы биздики болбойбу?+ Макул болуп эле койсок, алар биз менен жашап калышат»+. 24  Хамор менен анын уулунун айткандарына шаар дарбазасынын жанына чогулгандардын баары макул болуп, шаардын бүт эркектери сүннөткө отургузулду. 25  Үчүнчү күндүн жүзү болгондо, алар ооруп жатканда+, Жакыптын эки уулу, Динанын бир туугандары+ Шымон менен Леби+, ар бири өз кылычын алып, шек алдырбастан шаарга киришти да, эркек аттуунун баарын кырып ташташты+. 26  Алар Хамор менен анын уулу Шекемди да кылыч менен өлтүрүп+, Динаны анын үйүнөн алып кетип калышты+. 27  Жакыптын башка уулдары да, Шекем алардын карындашын бузуп койгондуктан+, бир туугандары өлтүргөн кишилерди, бүт шаарды тоноп кетишти. 28  Алар майда малы менен бодо малын, эшектерин, шаардагы менен талаадагынын баарын алып кетишти+. 29  Ошондой эле элдин бүт мүлкүн алып, аялдары менен балдарын туткундап, үйлөрүн тоноп кетишти+. 30  Ошондо Жакып Шымон менен Лебиге+: «Силер мени бул жердин тургундарына, канаандыктар менен периздерге, жек көрүндү кылып, башыма мүшкүл түшүрдүңөр*+. Менин элим аз+ болгондуктан, эми алар биригип алып, мага кол салышат да, үй-бүлөм менен кошо кырып ташташат»,— деди. 31  Тигилер болсо: «Анан алардын карындашыбызга сойкуга мамиле кылгандай мамиле кылганы туурабы?» — дешти+.

Шилтемелер

Же: «мени качканга мажбур кылдыңар».