Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Башталыш 31:1—55

31  Кийинчерээк Жакып Лабандын уулдарынын: «Жакып атабыздын болгон нерсесинин баарын тартып алды, ал ушул байлыктын баарын атабыздын мал-мүлкүнөн жыйып алды»,— деп жатышканын угуп калды+.  Ал Лабандын мамилеси мурункудай болбой калганын да байкады+.  Ошондо Жахаба ага: «Ата-бабаларыңдын жерине, туугандарыңа кайт+. Мен сени менен болом»,— деди+.  Ошондуктан Жакып Рахил менен Лияны талаага, мал кайтарып жүргөн жерине чакыртып,  мындай деди: «Атаңардын мага кылган мамилеси мурункудай болбой калды+. Бирок атамдын Кудайы мени таштаган жок+.  Силер менин атаңарга жанымды үрөп иштегенимди билесиңер+.  Ал болсо мени алдап, эмгек акымды он жолу өзгөрттү. Бирок Кудай анын мага зыян кылышына жол берген жок+.  Атаңар мага: „Темгили бар мал сенин эмгек акың болсун“,— дегенде, малдын баары темгили бар тууду. „Чаар ала мал сенин эмгек акың болсун“,— дегенде, малдын баары чаар ала тууду+.  Ошентип, Кудай атаңардын малын тартып алып, мага берди+. 10  Бир жолу куут маалында түш көрдүм+: кууган текелердин баары чаар ала, темгили бар, ала-була экен+. 11  Ошондо чыныгы Кудайдын периштеси түшүмдө мага: „Жакып!“ — деди. Мен: „Угуп жатам“,— дедим+. 12  Ал: „Карасаң, кууган текелердин бардыгы — чаар ала, темгили бар, ала-була текелер, анткени мен Лабандын сага эмне кылып жатканын бүт көрүп турам+. 13  Мен сага Бейтелде+ көрүнгөн чыныгы Кудаймын. Сен ал жерде бир ташты эстелик катары коюп, аны майлап+, мага убада бергенсиң+. Эми бул жерден чыгып, туулган жериңе кайт“,— деди»+. 14  Рахил менен Лия Жакыпка: «Атабыздын үйүндө мураска ала тургандай үлүшүбүз деле жок+. 15  Анын бизди бөтөн кишидей көргөнү калппы? Бизди сатып, ошол акчага жан багып жатпайбы+. 16  Кудай атабыздан тартып алган байлыктын баары биздики, биздин балдарыбыздыкы+. Ошондуктан Кудай айткандын бардыгын кыл»,— дешти+. 17  Ошондо Жакып балдары менен аялдарын төөлөргө мингизип+, 18  топтогон мүлкүн, Падан-Арамда ээ болгон бардык малын алды да+, Канаан жерине, атасы Ыскакка жөнөп кетти+. 19  Лабан малын кыркканы кеткенде, Рахил анын буркандарын*+ уурдап алды. 20  Жакып сириялык Лабанды алдап кетти, анткени ага эч нерсе айтпай кетип калды. 21  Ал үй-бүлөсүн, бүт мал-мүлкүн алып, улуу дарыядан* өттү да+, Гилат тоолуу аймагын+ көздөй качып кетти. 22  Үчүнчү күнү Лабанга Жакыптын качып кеткенин айтышты. 23  Ошондо Лабан жанына туугандарын алып, анын артынан түштү+. Ал аны жети күндөн кийин Гилат тоолуу аймагынан кууп жетти. 24  Бирок Кудай сириялык Лабанга+ түшүндө+: «Байкагын, Жакыпка жакшы да, жаман да айтпа»,— деди+. 25  Лабан Жакыпты кууп жеткенде, ал өзүнүн чатырын Гилат тоолуу аймагына тигип алган болчу. Лабан да кишилери менен чатырын ошол аймакка тикти. 26  Анан ал Жакыпка мындай деди: «Бул эмне кылганың? Эмне үчүн мени алдап, кыздарымды туткунга түшкөндөрдөй кылып алып кеттиң?+ 27  Эмнеге жашыруун кетип калдың? Эмне үчүн мени алдадың? Эмнеге мага эчтеке айткан жоксуң? Мен сени кубаныч менен, ыр менен+, дап* кагып, арфа чертип+ узатпайт белем?! 28  Атүгүл неберелерим менен кыздарымдын бетинен өптүргөн жоксуң+. Сен акылсыздык кылдың. 29  Силерге жамандык кылганга күчүм жетмек+, бирок кечээ түндө атаңардын Кудайы мага: „Байкагын, Жакыпка жакшы да, жаман да айтпа“,— деди+. 30  Мейли, атаңдын үйүн абдан сагынгандыктан кетиптирсиң, бирок эмнеге кудайларымды уурдап кеттиң?»+ 31  Жакып ага: «Кыздарыңызды тартып аласыз деп корктум+. 32  Ал эми кудайларыңызды кимден тапсаңыз, ал өлтүрүлсүн+. Кишилерибиздин көзүнчө болгон нерсемдин баарын карап көрүңүз. Эгер тапсаңыз, алыңыз»,— деди+. Аларды Рахил уурдап алганын+ Жакып билген эмес болчу. 33  Лабан Жакыптын, андан кийин Лиянын, анан эки күңдүн+ чатырына кирди, бирок буркандарын тапкан жок. Акырында Лиянын чатырынан чыгып, Рахилдин чатырына кирди. 34  Рахил болсо буркандарды төөнүн чомунун астына катып, үстүнө отуруп алган эле. Лабан чатырдын ичин аңтарып, эчтеке таппай койду. 35  Рахил атасына: «Ордуман тура албаганыма мырзам ачууланбаса экен+, анткени менде аялдарда болчу нерсе болуп жатат»+,— деди. Ошентип, Лабан бардыгын карап, буркандарды таппай койду+. 36  Ошондо Жакып ачууланып+, Лабанга катуу нааразы болуп, мындай деди: «Артыман сая түшүп куугудай+, мен эмне кылмыш, эмне күнөө кылдым?+ 37  Буюмдарымдын баарын карап чыгып, кайсы буюмуңузду таптыңыз?+ Аны менин кишилерим менен өзүңүздүн кишилериңиздин алдына коюңуз+, алар экөөбүзгө калыстык кылышсын+. 38  Жыйырма жыл сиздикинде жүрдүм. Койлоруңуз козу салган жок, эчкилериңиз улак салган жок+, бир да кочкоруңузду жеген жокмун. 39  Жырткыч жара тарткан малды сизге алып келчү эмесмин+, анын баары менин чыгашам болчу. Күндүз уурдалса да, түнкүсүн уурдалса да, мага төлөтчүсүз+. 40  Күндүз ысыктан, түнкүсүн сууктан кыйналган учурларым болду, канча жолу уйкудан калдым+. 41  Сиздин үйүңүздө ушинтип жыйырма жыл өткөрдүм. Эки кызыңыз үчүн он төрт жыл, малыңыз үчүн алты жыл иштедим. Сиз болсо эмгек акымды он жолу өзгөрттүңүз+. 42  Эгер атамдын Кудайы+, Ыбрайымдын Кудайы, Ыскак корккон Кудай+ мени менен болбосо, мени куру кол коё бермексиз. Кудай менин тарткан азабымды, кылган мээнетимди көрдү, ошол үчүн кечээ түндө сизди ашкереледи»+. 43  Ошондо Лабан Жакыпка: «Бул аялдар — менин кыздарым, бул балдар — менин неберелерим, бул мал — менин малым. Сен көрүп турган нерсенин баары меники, менин кыздарымдыкы. Аларга же алар төрөгөн балдарга жамандык кылмак белем? 44  Кел, келишим түзөлү+, ал экөөбүздүн ортобузда күбө болсун»,— деди+. 45  Жакып таш алып, аны эстелик кылып койду+. 46  Анан кишилерине: «Таш чогулткула»,— деди. Алар таш чогултуп, бир жерге үйүштү да+, анан анын үстүнө тамактанышты. 47  Лабан аны Жыгар-Саадут* деп, Жакып болсо Гилат* деп атады. 48  Анан Лабан: «Бул дөбө бүгүн экөөбүздүн ортобузда күбө болот»,— деди. Ошондуктан Жакып аны Гилат+ деп атады. 49  Ал эми аны Күзөт мунарасы деп да атаганынын себеби Лабан: «Бири-бирибизден бөлүнүп кеткенден кийин, Жахаба экөөбүздүн ортобузда күзөттө турсун+. 50  Эгер кыздарыма жаман мамиле кыла турган болсоң+ же алардын үстүнө аял ала турган болсоң, анда эсиңде болсун, эч ким көрбөсө да, бизге күбө болгон Кудай көрүп турат»+,— деди. 51  Ал Жакыпка дагы мындай деди: «Экөөбүздүн ортобузга мен койгон эстелик менен таш дөбө мына. 52  Сага жамандык кылыш үчүн ушул дөбөдөн ары өтпөй турганыма жана сенин да мага жамандык кылыш үчүн ушул дөбө менен эстеликтен бери өтпөй турганыңа+ ушул дөбө менен ушул эстелик күбө+. 53  Ыбрайымдын Кудайы+, Нахордун Кудайы+, алардын атасынын Кудайы, экөөбүзгө калыстык кылсын». Жакып болсо атасы Ыскак корккон Кудайды+ оозанып ант берди. 54  Анан Жакып тоодо курмандык чалып, кишилерин тамакка чакырды+. Алар тамактанып, тоого түнөп калышты. 55  Лабан эртең менен эрте туруп, неберелери менен кыздарын өөп+, аларга батасын берди+. Андан кийин үйүнө кайтты+.

Шилтемелер

Сөзмө-сөз: «терафимин». 1896-беттеги «Сөздүктү» кара.
Евфраттан.
Музыкалык аспап.
Бул жерде колдонулган арамей (сирия) тилиндеги сөз айкашы «күбө дөбө» дегенди билдирет.
Бул жерде колдонулган еврей сөзү «күбө дөбө» дегенди билдирет.