Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Аян 6:1—17

6  Анан мен Козунун+ жети мөөрдүн+ биринчисин ачканын көрдүм. Ошондо төрт периштенин+ биринин күндүн күркүрөгөнүнө окшогон үн менен: «Жөнө!»+ — дегенин уктум.  Мен карап, ак боз атты+ көрдүм. Үстүндө отургандын+ жаасы бар экен+. Ага таажы берилди+ жана ал жеңиш артынан жеңишке ээ болуп+, акыркы жеңишке жетиш үчүн чыкты+.  Козу экинчи мөөрдү ачканда, экинчи периштенин+: «Жөнө!» — дегенин уктум.  Ошондо башка ат, кызыл ат, чыкты. Адамдар бири-бирин өлтүрүшү үчүн, анын үстүндө отурганга жер бетинен тынчтыкты алганга бийлик жана чоң кылыч берилди+.  Козу+ үчүнчү мөөрдү ачканда, үчүнчү периштенин+: «Жөнө!» — дегенин уктум. Мен карап, кара атты көрдүм. Үстүндө отургандын колунда тараза+ бар экен.  Ошондо мен төрт периштенин+ арасынан+ чыккандай болгон үндүн: «Бир өлчөм* буудай бир динар+, үч өлчөм арпа бир динар болсун. Ал эми зайтун майы менен шарапка тийбе»+,— дегенин уктум.  Козу төртүнчү мөөрдү ачканда, төртүнчү периштенин+: «Жөнө!» — деген үнүн уктум.  Мен карап, боз атты көрдүм. Үстүндө отургандын ысмы «Өлүм» экен. Анын артынан көр*+ келатыптыр. Кылыч+, ачарчылык+, айыккыс оору жана жапайы жырткычтар+ менен өлтүрүш үчүн ал экөөнө жердин төрттөн бир бөлүгүнүн үстүнөн бийлик берилди.  Козу бешинчи мөөрдү ачканда, мен курмандык жайынын түбүнөн+ Кудайдын сөзү үчүн жана өздөрүнө берилген күбөлөндүрүү үчүн+ өлтүрүлгөндөрдүн+ канын*+ көрдүм. 10  Алар катуу үн менен: «Эгедер Теңир+, ыйык жана чыныгы+, качанкыга чейин сот жүргүзбөйсүң+, качанкыга чейин биздин каныбыз үчүн жер үстүндө жашагандардан өч албайсың?»+ — деп кыйкырышты. 11  Ошондо алардын ар бирине узун ак кийим берилди+ жана өздөрүнө окшоп өлтүрүлө турган кызматташтары+ менен бир туугандарынын саны толукталганга чейин, дагы бир аз эс ала турушу керектиги айтылды. 12  Анан Козунун алтынчы мөөрдү ачканын көрдүм. Ошондо катуу жер титирөө болду. Күн таар*+ сыяктуу карарып, ай толугу менен кан сыяктуу кызарып калды+. 13  Анжир дарагынын быша элек мөмөлөрү катуу шамалдан улам жерге түшкөндөй, асмандагы жылдыздар жерге түштү. 14  Асман түрмөк сыяктуу түрүлүп+, жок болду. Тоолор менен аралдардын баары ордунан жылды+. 15  Жер жүзүндөгү падышалар, башкаруучулар, аскер башчылары, байлар, күчтүүлөр, бардык кулдар менен эркин адамдар үңкүрлөргө, тоолордогу аскаларга жашынышты+. 16  Алар тоолор менен аскаларга: «Үстүбүзгө кулап+, бизди тактыда отургандын+ жүзүнөн жана Козунун+ каарынан жашыра көргүлө. 17  Анткени алардын каары төгүлө турган+ улуу күн+ келди. Ага ким туруштук бере алат?»+ — деп жатышты.

Шилтемелер

Грек. хиникс, бир литрден көбүрөөк. Бир өлчөм буудай жоокердин бир күндүк азыгын түзгөн.
Грек. адис. Кара: 8-тирк.
Сөзмө-сөз: «жанын».
Салт боюнча, аны кайгырганда, күйүт тартканда ж. б. у. с. учурларда кийишчү же колдонушчу.