Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Аян 3:1—22

3  Сардестеги жыйналыштын периштесине+ мындай деп жаз: Кудайдын жети рухуна+ жана жети жылдызга+ ээ болгон мындай дейт: „Мен сенин иштериңди билем, сен тирүү деп аталганың менен, өлүксүң+.  Сергек бол+ жана аз жерден өлүп кала жаздагандарды бекемде+. Мен сенин иштериңдин Кудайымдын алдында аягына чыкпаганын көрүп турам+.  Ошондуктан алган+, уккан нерселериңди эсиңден чыгарба, аларды сакта+, өкүн+. Эгер ойгонбосоң+, уурудай болуп келем+, кайсы саатта келгенимди билбей каласың+.  Бирок Сардесте кийимдерин булгабаган+ бир нече киши бар+. Алар ак кийим кийип+, мени менен бирге жүрүшөт, анткени алар ошого татыктуу+.  Жеңүүчүгө+ ак кийим кийгизилет+. Мен анын ысмын өмүр китебинен эч качан өчүрбөйм+, тескерисинче, анын ысмын Атамдын+ жана анын периштелеринин алдында ачык билдирем+.  Кулагы бар адам ыйык рухтун жыйналыштарга эмне деп жатканын уксун“+.  Филаделфиядагы жыйналыштын периштесине мындай деп жаз+: Дөөтүнүн ачкычын алып жүргөн+ жана ачкан нерсесин эч ким жаба албаган, жапкан нерсесин эч ким ача албаган ыйык+, чыныгы+ мындай дейт:  „Мен сенин иштериңди+ билем. Мына, сага эшикти ачып койдум+, аны эч ким жаба албайт. Күчүң аз болсо да, сөзүмдү сактап, ысмымдан баш тартпаганыңды билем+.  Мына, мен Шайтандын тобуна киргендерди* жана жүйүт болбосо да+, жүйүтпүз деп калп айткандарды+ алып келип, бут алдыңда таазим кылдырам+, ошондо алар сени жакшы көрөрүмдү билишет. 10  Сен менден үлгү алып, туруктуу бойдон калдың+, ошондуктан жер жүзүндө жашагандар сыналышы үчүн бүт дүйнөгө келе турган+ сыноо учурунда сени сактап калам+. 11  Мен жакын арада келем+. Таажыңды+ бирөө тартып албашы үчүн, эмнең бар болсо, ошого бекем карман+. 12  Жеңүүчүнү Кудайымдын+ ибадатканасынын+ тирөөчү+ кылам. Ал ал жакта дайыма болот. Ага мен Кудайымдын ысмын, Кудайымдын шаарынын — асмандан, Кудайымдан түшкөн жаңы Иерусалимдин+ — атын жана өзүмдүн жаңы ысмымды жазам+. 13  Кулагы бар адам ыйык рухтун жыйналыштарга эмне деп жатканын+ уксун“. 14  Лаодикиядагы+ жыйналыштын периштесине мындай деп жаз: „Оомийн“+ деп аталган жана Кудай жараткандардын эң биринчиси болгон+ ишенимдүү+, чыныгы+ күбө+ мындай дейт: 15  „Мен сенин иштериңди билем: сен муздак да, ысык да эмессиң. Муздак же ысык болсоң кана. 16  Же ысык+, же муздак болбой+, жылымык болгонуң үчүн, сени оозумдан бүркүп салам. 17  Сен: “Мен баймын+, байып калдым, эч нерсеге муктаж эмесмин”,— деп жатасың, бирок байкуш, бечара, жакыр, сокур+, жылаңач экениңди билбейсиң. 18  Ошондуктан сага мындай кеңеш берем: байышың үчүн менден отко салынып тазаланган алтын+ жана жылаңач этиң көрүнүп, уят болбошуң үчүн+ ак кийим сатып ал. Ошондой эле көзүңө сыйпап, көрүп калышың үчүн+ көздүн майын сатып ал. 19  Мен жакшы көргөндөрүмдүн баарын ашкерелейм, жазалайм+. Андыктан ынталуу бол, өкүн+. 20  Мына, мен эшиктин алдында туруп+, тыкылдатып жатам. Ким үнүмдү угуп, эшигин ачса+, аныкына кирем да, кечки тамакты чогуу жейбиз. 21  Жеңүүчүнү+ өзүмдүн жаныма, тактыма отургузам+, анткени мен да жеңип чыгып, Атам менен бирге анын тактысына+ отурдум+. 22  Кулагы бар адам ыйык рухтун жыйналыштарга+ эмне деп жатканын уксун“»+.

Шилтемелер

Сөзмө-сөз: «синагогасынан болгондорду».