Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Аюп 32:1—22

32  Аюп өзүн адил деп эсептегендиктен+, ага тиги үч киши жооп бербей калды.  Ошондо Рамдын тукумунан чыккан, Буздун+ урпактарынан болгон Барахелдин уулу Элиунун каары кайнап чыкты. Ал Аюпка Кудайды эмес, өзүн адил дегени үчүн каарданды+.  Жооп таба албай Кудайды айыпташканы үчүн+ Аюптун үч досуна да каары кайнады.  Алар өзүнөн улуу болгондуктан, Элиу Аюптун сөзү бүткөнчө күтүп отурду+.  Элиу тиги үчөөнүн оозунда жообу жок экенин көрүп+, ого бетер каарданды.  Ошондон улам Буздун урпактарынан болгон Барахелдин уулу Элиу мындай деди: «Мен жашмын, Силер болсо жашап калгансыңар+. Ошондуктан ыйбаа кылып, Билгенимди силерге айтуудан корктум.  „Күндөр сүйлөсүн, Көп жылдар акылмандыкка үйрөтсүн“,— дедим+.  Ажалдуу адамга түшүнүктү өзүндөгү рух, Кудурети Күчтүүнүн деми берет+.  Акылмандыкка көп жашагандар эле ээ боло бербейт+, Акыйкаттыкты карылар эле түшүнө бербейт+. 10  Ошондуктан: „Мени ук. Мен да билгенимди айтайын“,— дедим. 11  Мына, мен силердин сөзүңөрдү күттүм, Айтарга сөз тапканыңарча, Оюңарга кулак түрүп отурдум+. 12  Көңүлүмдү силерге бурдум, Аюпту бириңер да ашкерелеген жоксуңар, Анын сөзүнө бириңер да жооп берген жоксуңар. 13  Андыктан: „Биз акылмандыкты таптык+, Аюпту адам эмес, Кудай жеңет“,— дебегиле. 14  Ал мага каршы сүйлөгөн жок, Ошол себептүү ага силердин сөзүңөр менен жооп бербейм. 15  Алар коркуп, жооп бере албай калышты, Алардын айтар сөзү түгөндү. 16  Күтүп отурдум, бирок алар үндөбөй калышты, Нес болуп, жооп бере албай калышты. 17  Ошондуктан өзүм жооп берейин, Билгенимди айтайын. 18  Себеби айтар сөзүм көөдөнүмө толуп, Рух ичиме батпай баратат+. 19  Ичим оозу бек шараптай, Жарылганы турган жаңы чаначтай+. 20  Сөзгө конок бергиле — жеңилдеп калайын, Сөзүмдү айтып, жооп берейин+. 21  Эч кимге бет карамалык кылбайм+, Пендеге кошомат кылбайм+. 22  Мен кошомат кылганды билбейм, Анте турган болсом, Жаратканым+ мени ошол замат жок кылат.

Шилтемелер