Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Онлайн Ыйык Китеп | ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Аюп 23:1—17

23  Буга Аюп мындай деди:  «Бүгүн да жанымды коёрго жер таппай турам+, Үшкүрүгүмдөн улам колумду көтөргөнгө алым жок.  Кудайды кайдан табышты билсем кана!+ Анда түз эле турак жайына бармакмын+.  Анын алдында доомду айтмакмын, Оозумду далилдерге толтурмакмын.  Мага берген жоопторун түшүнмөкмүн, Айткандарын талдап көрмөкмүн+.  Ал мени менен таймашууга бүт күчүн жумшайт беле? Жок, мага кулак төшөмөк+.  Ал жакта чынчыл киши Кудай менен ишин териштирет, Мен өкүм чыгаруучунун алдында түбөлүккө акталмакмын.  Чыгышка барсам — ал жок, Кайра келсем — көрүнбөйт+.  Эмгектенген жерине, сол тарапка барсам да, ал жок, Оңго бурулса да, көрүнбөйт. 10  Ал менин кандай жолдо жүргөнүмдү жакшы билет+, Мени сынаганда, алтындай таза болуп чыгам+. 11  Анын изи менен басам, Жолунда жүрөм, андан чыкпайм+. 12  Оозунан чыккан осуятынан четтебейм+, Өзүмөн талап кылынгандан да көптү аткарам+. 13  Анын ою бекем, ага ким каршы чыга алат?+ Жаны эмнени кааласа, ал ошону кылат+. 14  Ал мага байланыштуу ой-ниетин толугу менен аткарат+, Анын ушундай ойлору сан жеткис. 15  Ошондуктан анын айынан бушайман болдум, Ойлонуп, андан корктум+. 16  Кудай жүрөгүмдүн үшүн алды+, Кудурети Күчтүү тынчымды кетирди+. 17  Унчукпай калганым караңгылыктан эмес, Жүзүмдү коюу түн каптагандан эмес.

Шилтемелер