Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

Онлайн Ыйык Китеп

ЫЙЫК КИТЕПТИН «ЖАҢЫ ДҮЙНӨ КОТОРМОСУ»

Аюп 14:1—22

14  Аялдан төрөлгөн адамдын+ Өмүрү кыска+, санаага толгон+.  Ал гүлдөй өсүп чыгат да, чабылып ташталат+, Көлөкөгө окшоп+ качат да, жок болот.  Сен болсо ага көзүңдү кадайсың; Мени өзүң менен соттошууга алып барасың+.  Ким арамдан адал болуп төрөлөт?+ Эч ким.  Адамдын күндөрү чектелген+, Айларынын саны сенин колуңда. Ал сенин чыгарган чечимиңди буза албайт.  Андан көзүңдү ал: эс алып алсын+, Жалданма жумушчуга окшоп, өз күнүнүн ырахатын көрсүн.  Дарактын да үмүтү бар: Кыйылса, кайра өсөт+, Чырпыктары чыга берет.  Тамыры жер астында карып, Дүмүрү топуракта өлүп калса да,  Суу жетери менен жаш бутак чыгарып+, Жаңы отургузулган көчөттөй шагын жаят+. 10  Ал эми адам өлөт, бой сунуп жатат, Пенде көз жумат, эми ал кайда?+ 11  Деңиздин суусу тартылат, Дарыя бөксөрүп, соолуп калат+. 12  Киши да жаткан соң, кайра турбайт+, Асман жок болмоюнча, ойгонбойт+, Уйкусунан турбайт+. 13  Мени көргө* катып+, Каарың кайткыча, жашыра турсаң кана, Мөөнөт белгилеп+, кийин эстесең кана!+ 14  Өлгөн киши кайра жашайбы?+ Кулчулукта* жүргөн бардык күндөрүмдө+ Боштондукка чыгар маалымды күтөм+. 15  Сен чакырасың — мен жооп берем+. Колуңан бүткөндү сагынып, куса болосуң. 16  Бирок азыр ар бир кадамымды санап+, Күнөөмдү эле аңдып калдың+. 17  Менин кылмышым баштыкка салынып, мөөр менен басылган+, Сен жаңылыштыгымды желимдейсиң. 18  Атүгүл тоо урап, түздөлүп калат, Аска да ордунан жылат. 19  Таштарды суу жеп, Ташкындап, жердеги топуракты жууп кетет. Сен да ошентип ажалдуу адамды үмүтүнөн ажыраттың. 20  Ал сага биротоло жеңилип, кетет+. Жүзүн өзгөртүп, аны кууп жибересиң. 21  Уулдары урматталса, ал билбейт+. Кордолсо, сезбейт. 22  Бирок денеси тирүүсүндө ооруйт, Жаны жашап жүргөндө гана кейийт».

Шилтемелер

Евр. шеол. Кара: 8-тирк.
Каймана мааниде өлүмдүн кулчулугу жөнүндө айтылган.