Мазмунун көрсөтүү

Кошумча менюну көрсөтүү

Жахабанын Күбөлөрү

кыргыз

Келечегибиз кандай болот деп ойлойсуз?

Келечегибиз кандай болот деп ойлойсуз?

Дүйнөдөгү абал...

  • ушу бойдон калабы?

  • начарлай береби?

  • же жакшырабы?

 ЫЙЫК КИТЕПТЕ ЭМНЕ ДЕЛЕТ?

«Кудай [адамдардын] көзүнөн бардык жашты аарчыйт. Мындан ары өлүм болбойт, кайгы да, өкүрүк да, оору да болбойт. Мурункунун баары өтүп кетти» (Аян 21:4, «Жаңы дүйнө котормосу»).

БУЛ СИЗДИН ЖАШООҢУЗГА КАНДАЙ ТААСИР ЭТЕТ?

Ырахат тартуулаган жакшы жумушуңуз болот (Ышая 65:21—23).

Оору-сыркоо, азап-кайгы дегенди унутасыз (Ышая 25:8; 33:24).

Үй-бүлөңүз жана досторуңуз менен түбөлүккө бактылуу өмүр сүрөсүз (Забур 37:11, 29).

 ЫЙЫК КИТЕПТЕ ЖАЗЫЛГАНДАРГА ИШЕНСЕ БОЛОБУ?

Ооба, буга, бери дегенде, эки себеп бар:

  • Кудайдын кудуреттүүлүгү. Жахаба Кудай чексиз күч-кубатка ээ болгондуктан Ыйык Китепте ал гана «Кудурети Күчтүү» деп аталат (Аян 15:3). Ошондуктан анын өз убадасын аткарып, азыркы дүйнөдөгү абалды түп-тамыры менен өзгөртө аларына кымындай да шектенбесек болот. Ыйык Китепте айтылгандай, «Кудайдын колунан келбеген эч нерсе жок» (Матай 19:26).

  • Кудайдын каалоосу. Мисалы, Ыйык Китепте Жахаба Кудайдын өлгөн адамдарды «сагынып, куса болору», ошондуктан аларды тирилтүүнү абдан каалаары жазылган (Аюп 14:14, 15).

Ошондой эле Ыйык Китепте Кудай жерге жиберген Иса пайгамбардын оорулууларга боору ооруп, аларды айыктырганы жазылган (Марк 1:40, 41). Ал адамдарга жардам берүүгө ынтызар болгон. Анткени Кудайдын сезимдерин толук чагылдырган (Жакан 14:9).

Ошондуктан биз Жахаба Кудайдын, келечекте бактылуу өмүр сүрүшүбүз үчүн, бизге жардам берүүнү абдан каалаарына шектенбесек болот (Забур 145:16; 2 Петир 3:9).

 КАНДАЙ ДЕП ОЙЛОЙСУЗ?

Кудай дүйнөдөгү абалды кантип өзгөртөт?

Бул суроонун жообу төмөнкү аяттарда жазылган: НАКЫЛ СӨЗДӨР 2:21, 22; ДАНИЕЛ 2:44.

Көбүрөөк билиңиз

КУДАЙДАН КЕЛГЕН ЖАКШЫ КАБАР

Кудай жерди кандай ой-ниет менен жараткан?

Ыйык Китепте Кудай жерди эмне үчүн жаратканы, азап-кайгыдан качан арыларыбыз, келечекте жер бейишке айланары жана анда кимдер жашай турганы жөнүндө жазылган.

КУДАЙДАН КЕЛГЕН ЖАКШЫ КАБАР

Кудайдын Падышалыгы деген эмне?

Кудайдын Падышалыгынын Падышасы ким, ал Падышалык эмнени ишке ашырат?