Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Бактылуу үй-бүлөлөрдөн боло аласыңар

 4-БӨЛҮМ

Акчаны туура колдонуу

Акчаны туура колдонуу

«Ой-максат кеңеш менен ишке ашат» (Накыл сөздөр 20:18).

Үй-бүлөнү багыш үчүн баарыбызга эле акча керек (Накыл сөздөр 30:8). Кудайдын Сөзүндө акчанын «коргой» турганы айтылат (Насаатчы 7:12). Жарыңар менен акча маселеси тууралуу сүйлөшүү кыйын болушу мүмкүн, ошентсе да акчанын айынан мамилеңердин начарлап кетишине жол бербегиле (Эфестиктер 4:32). Жубайлар акчаны колдонууда бири-бирине ишеним артып, кызматташа билиши керек.

 1 КЫЛДАТ ПЛАНДАШТЫРГЫЛА

ЫЙЫК КИТЕПТЕ ЭМНЕ ДЕЛЕТ? «Ким мунара кургусу келсе, аны куруп бүткөнгө каражаты жетер-жетпесин билиш үчүн, адегенде отуруп алып, канча чыгым кетерин эсептеп чыкпайт?» (Лука 14:28). Акчаны эмнеге сарптаарыңарды чогуу пландаштырганыңар абдан маанилүү (Амос 3:3). Эмнени сатып алышыңар керектигин жана канча акча корото аларыңарды чечип алгыла (Накыл сөздөр 31:16). Кайсы бир нерсени сатып алууга акчаңар бар болсо эле, аны сатып ала бербегиле. Чөнтөгүңөргө жараша иш кылып, карыз албаганга аракет кылгыла (Накыл сөздөр 21:5; 22:7).

ЭМНЕ КЫЛСАҢАР БОЛОТ?

  • Айдын аягында акчаңар артып калса, аны эмне кыларыңарды чечип алгыла

  • Ал эми акчаңар жетпей калса, чыгымдарыңарды азайтыш үчүн эмне кылсаңар болорун ойлонуштургула. Мисалы, тамакты сатып алгандан көрө, өзүңөр жасап жейттирсиңер

 2 БИРИ-БИРИҢЕР МЕНЕН КЕҢЕШИП ИШ КЫЛГЫЛА

ЫЙЫК КИТЕПТЕ ЭМНЕ ДЕЛЕТ? «Жахабанын алдында эле эмес, адамдардын алдында да чынчыл болууга аракеттенгиле» (2 Корунттуктар 8:21). Жарыңарга канча тапканыңарды жана канча коротконуңарды ачык айткыла.

Акчага байланыштуу маанилүү чечим чыгарарда дайыма жубайыңар менен кеңешкиле (Накыл сөздөр 13:10). Бул тууралуу сүйлөшүп турганыңар чыр-чатактан оолак болууга жардам берет. Тапкан акчаңарды өзүңөрдүкү эмес, үй-бүлөңөрдүкү деп эсептегиле (1 Тиметей 5:8).

ЭМНЕ КЫЛСАҢАР БОЛОТ?

  • Канча акчаны бири-бириңерден сурабай эле корото аларыңарды макулдашып алгыла

  • Акча жөнүндө көйгөй пайда болмоюнча сүйлөшпөй жүрө бербегиле

Көбүрөөк билиңиз

СУРООЛОР ЖАНА ЖООПТОР

Ыйык Китепте акчага, карызга байланышкан кеңештер берилеби?

Акча адамды бактылуу кылбайт, бирок аны туура колдонсо пайдасы чоң. Буга карата Ыйык Китепте төрт принцип бар.

ОЙГОНГУЛА!

Акча кармаганды билесиңерби?

Акчаны кандай кармаарыңар жөнүндө, акчаңар түгөнгөндө эмес, ага чейин ойлонгула. Акча кармаганды кантип үйрөнсө болорун окуп көргүлө.

КҮЗӨТ МУНАРАСЫ

Карыз алуу керекпи?

Ыйык Китептеги кеңештер туура чечим чыгарганга жардам берет.