Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

КҮЗӨТ МУНАРАСЫ ДЕКАБРЬ 2015

Ыйык Китепте эмне деп айтылат?

Ыйык Китепте эмне деп айтылат?

Кудай жөнүндө чындыкты билүү мүмкүнбү?

Эмне үчүн Кудай чындыкты билишибизди каалайт? (Окугула: Жакан 17:3.)

Кудай адамзатка өзү жөнүндө маалымат бериш үчүн Ыйык Китепти жаздырган. Ал ыйык рухун, тактап айтканда, иш-аракет кылуучу күчүн колдонуп ал китепти жазган пайгамбарлардын акылына өзүнүн оюн салган (2 Петир 1:20, 21). Ошондуктан Кудай жөнүндөгү чындыкты Ыйык Китептен биле алабыз. (Окугула: Жакан 17:17; 2 Тиметей 3:16.)

Ыйык Китепте Кудай өзү жөнүндө көп нерсени ачып берген. Мисалы, адамды эмнеге жаратканын, адамзаттын келечеги кандай болорун, бизге кандай жашоо каалаарын жаздырган (Элчилер 17:24—27). Жахаба Кудай ал жөнүндө чындыкты билишибизди каалайт. (Окугула: 1 Тиметей 2:3, 4.)

Кудай эмне үчүн чындыкты жакшы көргөндөрдү жактырат?

Жахаба — чындыктын Кудайы, ал өзүнүн Уулу Иса Машаякты да адамзатты чындыкка окутууга жиберген. Ошондуктан чындыкты жакшы көргөндөр Иса Машаякка тартылып турушкан (Жакан 18:37). Кудай ага сыйынгандар так ошондой адамдардан болушун каалайт. (Окугула: Жакан 4:23, 24.)

Шайтан Кудай жөнүндө жалган окууларды таратып, көптөгөн адамдардын ал жөнүндөгү чындыкты билишине тоскоолдук кылып келет (2 Корунттуктар 4:3, 4). Жакшылыкты жаман көргөндөр ошондой окууларга тартылышат (Римдиктер 1:25). Бирок миллиондогон жүрөгү таза адамдар Ыйык Китепти окуп, Кудай жөнүндө чындыкты билип жатышат. (Окугула: Элчилер 17:11.)

 

КӨБҮРӨӨК БИЛИШ ҮЧҮН

Кудай жөнүндөгү чындык

Кудай силерге кам көрөбү? Анын сапаттары жана ага канткенде жакындай аларыңар жөнүндө окуп көргүлө.

Эмне үчүн Ыйык Китепти изилдешибиз керек?

Дүйнө жүзүндөгү миллиондогон адамдар Ыйык Китептен жүрөгүн өйүгөн суроолоруна жооп табууда. Сиз да ошондой суроолоруңузга жооп алгыңыз келеби?