Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

КҮЗӨТ МУНАРАСЫ МАРТ 2015

Ыйык Китепте эмне деп айтылат?

Ыйык Китепте эмне деп айтылат?

Эмне үчүн Иса Машаяктын өлүмүн эскеришибиз керек?

Исанын өлүмү келечекте эмнелерге жол ачат? (Ышая 25:8; 33:24).

Иса Машаяктын өлүмү тарыхтагы эң маанилүү окуя болгон. Анткени ал адамдарга алар кандай жашоо үчүн жаратылса, ошондой жашоону кайтарып бериш үчүн өлгөн. Негизи, адамдар күнөө кылгыдай, ооругудай жана акыры өлө тургандай болуп жаратылган эмес болчу (Башталыш 1:31). Бирок биздин түпкү атабыз — Адам ата — күнөөгө жол ачып койгон. Ал эми Иса Машаяк бизди күнөө менен өлүмдөн куткарыш үчүн өз жанын берген. (Окугула: Матай 20:28; Римдиктер 6:23.)

Кудай өзүнүн Уулу Иса Машаякты жерге өлүш үчүн жиберип, сүйүүсүн далилдеген (1 Жакан 4:9, 10). Иса өзүнүн жолдоочуларына нан менен шарапты колдонуп анын өлүмүн эскерип туруу керектигин айткан. Демек, бизде жыл сайын Кудай менен Исанын бизге көрсөткөн сүйүүсү үчүн ыраазычылык билдирүүгө мүмкүнчүлүк бар. (Окугула: Лука 22:19, 20.)

Нан менен шараптан кимдер ооз тийишет?

Иса Машаяк шакирттерине анын өлүмүн эскерип турууну айтканда бир келишим жөнүндө сөз кылган (Матай 26:26—28). Ал келишим аларга жана саны чектелүү башка адамдардын тобуна Иса менен бирге асманда падыша жана дин кызматчы болууга жол ачкан. Ошондуктан Исанын өлүмүн миллиондогон кишилер эскеришсе да, нан менен шараптан ал келишим ким менен түзүлсө, ошолор гана ооз тийишет. (Окугула: Аян 5:10.)

Жахаба Кудай падыша боло турган ошол кишилерди 2000 жылдан бери чогултууда (Лука 12:32). Алардын саны жер бетинде түбөлүк жашай тургандардын санына салыштырмалуу бир топ аз. (Окугула: Аян 7:4, 9, 17.)

 

Көбүрөөк билиңиз

Иса пайгамбардын өлгөн күнүн эскерүү кечеси

Жыл сайын миллиондогон адамдар Иса пайгамбардын өлгөн күнүн эскериш үчүн чогулушат. Ал кечеден анын өлүмүнүн сиздин жашооңузга тийгизген таасири чоң экенин биле аласыз.

Кун — Кудайдын эң баалуу белеги

Кун деген эмне? Анын силерге да пайдасы тийиш үчүн, эмне кылышыңар керек?

Иса Машаякты айкаш жыгачка кадап өлтүрүшкөнбү?

Көптөр айкаш жыгачты христиан диндеринин негизги символу катары көрүшөт. Аны Кудайга сыйынууда колдонуу туурабы?