Мазмунун көрсөтүү

Кошумча менюну көрсөтүү

Мазмунун тизмесин көрсөтүү

Жахабанын Күбөлөрү

кыргыз

Күзөт мунарасы  |  Август, 2014

Ыйык Китепте эмне делет?

Ыйык Китепте эмне делет?

Бардык диндерди Кудай негиздегенби?

Диндердин айынан көптөгөн жаман иштер болуп жатканын жаңылыктардан угуп эле жаткандырсыңар. Чынында, дүйнөдөгү диндердин баарын Кудай негиздеген эмес (Матай 7:15). Көптөр ушуну билбей адашып жүрөт. (Окугула: 1 Жакан 5:19.)

Бирок Кудай чындыкты сүйгөн жүрөгү таза адамдарды көрүп турат (Жакан 4:23). Ал алардын Ыйык Китепти окуп, чындыкты билишин каалайт. (Окугула: 1 Тиметей 2:3—5.)

Чыныгы динди кантип аныктаса болот?

Жахаба Кудай ар кандай динди тутуп келген көптөгөн адамдарга чындыкты ачып берип, аларды бири-бирин сүйгөнгө үйрөтүп, бир эл кылып бириктирип жатат (Микей 4:2, 3). Чыныгы динди туткан ал элди бири-бирин сүйгөнүнөн айырмалап биле аласыңар. (Окугула: Жакан 13:35.)

Жахаба Кудай ар кандай адамдарды чыныгы дин аркылуу бириктирүүдө (Забур 133:1)

Алардын ишеними Ыйык Китепке негизделет жана алар анда айтылгандарга ылайык жашашат (2 Тиметей 3:16). Ошондой эле алар Кудайдын ысымын ыйык тутушат (Забур 83:18). Андан сырткары, адамзаттын көйгөйлөрүн Кудайдын Падышалыгы гана чечерин жарыялашат (Даниел 2:44). Алар, Иса пайгамбардан үлгү алып, жакындарына жакшылык кылуунун аркасында «жаркырап турушат» (Матай 5:16). Аларды Кудайдын Падышалыгы жөнүндөгү жакшы кабарды үймө-үй кыдырып жарлаганынан айырмалап билсе болот. (Окугула: Матай 24:14; Элчилер 5:42; 20:20.)

 

Көбүрөөк билиңиз

КУДАЙДАН КЕЛГЕН ЖАКШЫ КАБАР

Кандай кабар айтылып жатат?

Кудайдан келген кабар эмне болгон кабар? Ал эмне үчүн шашылыш кабар болуп саналат жана биз эмне кылышыбыз керектиги жөнүндө окуп көргүлө

Ыйык Китепте чынында эмне делет?

Кайсы дин Кудайга жагат?

Кайсы алты белги чыныгы динди туткандарды айырмалоого жардам берерин окуп көргүлө