Жөндөө мүмкүнчүлүгү

Тилди тандаңыз

Кошумча менюну көрсөтүү

Мазмунун тизмесин көрсөтүү

Мазмунун көрсөтүү

Жахабанын Күбөлөрү

кыргыз

КҮЗӨТ МУНАРАСЫ (ИЗИЛДӨӨГӨ АРНАЛГАН ЧЫГАРЫЛЫШЫ) ИЮЛЬ 2013

Жетектөөчү Кеңештин жаңы мүчөсү

Жетектөөчү Кеңештин жаңы мүчөсү

2012-жылы 5-сентябрда, шаршемби күнү, эртең менен Кошмо Штаттар менен Канададагы Бейтелдерде Марк Сандерсон деген бир туугандын Жетектөөчү Кеңештин мүчөсү болуп дайындалганы кулактандырылды. Ал 2012-жылдын 1-сентябрынан тартып Жетектөөчү Кеңештин мүчөсү болуп кызмат кыла баштаган.

Марк бир тууган Калифорния штатындагы Сан-Диего шаарында (АКШ) Жахабанын Күбөлөрүнүн үй-бүлөсүндө чоңойгон. Ал 1975-жылы 9-февралда чөмүлгөн. 1983-жылы 1-сентябрда Канаданын Саскачеван провинциясында пионер болуп кызмат кыла баштаган. 1990-жылдын декабрында Кошмо Штаттарда өткөрүлгөн Кызматка окутуу мектебинин (азыр Бойдок ага-инилер үчүн ыйык китептик мектеп деп аталат) 7-классын бүтүргөн. Марк бир тууган 1991-жылы апрель айында Канададагы Ньюфаундленд аралына атайын пионер болуп дайындалган. Райондук көзөмөлчүнүн орун басары болуп кызмат кылгандан кийин 1997-жылы февралда Канададагы Бейтелге чакырылган. 2000-жылы ноябрда Кошмо Штаттардагы филиалга дайындалып, Медициналык маалымат кызматында, кийинчерээк кызмат бөлүмүндө кызмат кылган.

2008-жылы сентябрда Марк бир тууган Филиалдын комитетинин мүчөлөрүн окутуу мектебине чакырылган. Андан соң Филиппиндеги Филиалдын комитетинин мүчөсү болгон. Ал эми 2010-жылы сентябрь айында кайрадан Кошмо Штаттарга которулуп, Жетектөөчү Кеңештин Кызмат комитетине жардам берүүгө дайындалган.