Ышая 57:1—21
57 Адил адам өлөт,Бирок буга эч ким деле көңүл бурбайт.
Кудайга берилген кишилер өлөт,+Бирок адил адамдын кырсыктан улам өлгөнүн* эч ким деле түшүнбөйт.
2 Ал тынчтыкка бөлөнөт.
Түз жүргөндөрдүн баары көрдө* мемиреп тынч жатышат.
3 «Төлгөчү аялдын уулдары,Ойноштук кылган киши менен сойку аялдын балдары,Бери келгиле.
4 Силер кимди мазактап жатасыңар?
Оозуңарды чоң ачып, кимге тилиңерди көрсөтүп жатасыңар?
Өзүңөр күнөөкөрлөрдүн балдары,Жалганчылардын урпактары эмессиңерби?*+
5 Чоң дарактардын+ арасында,Ар бир шактуу бактын астында кумар отуна өрттөнгөндөр,+Балдарды өрөөндөрдө* мууздагандар,+Жарлардын жаракаларында сойгондор силер эмессиңерби?
6 Сен сайдын жылмакай таштарын артык көрдүң.+
Так ошолорду үлүшүң катары тандап алдың.
Атүгүл ошолорго багыштап суюк тартуу куйчусуң, белек берчүсүң.+
Анан ошонуңа ыраазы болмок белем?
7 Сен көк тиреген бийик тоонун үстүнө төшөгүңдү* салчусуң,+Ал жакка курмандык чалыш үчүн чыкчусуң.+
8 Эшик менен кашектин артына эстелик белги* койчусуң.
Мени таштап кетип, жылаңачтанчусуң,Жогору чыгып, төшөктү кенен салчусуң.
Ойношторуң менен келишим түзчүсүң,Алар менен төшөктө жатканды жакшы көрчүсүң,+Эркектин жыныстык мүчөсүнө тигиле карачусуң*.
9 Май менен толтура жыпар заттарды көтөрүп алып,Мелекке* түшүп барчусуң.
Элчилериңди алыска жибердиң,Кадырың ушунчалык тебеленип, көргө* чейин түштүң.
10 Ар кайсы жолдо тентип жүрүп шайың ооду.
Бирок: „Бул — курулай убаракерчилик!“ — дечү эмессиң.
Кайтадан күчкө толчусуң.
Мына ошон үчүн багынчу эмессиң.
11 Калп айта баштагыдай+ кимден корктуң?
Жүрөгүңдүн үшүн ким алды?
Сен мени эстеп да койгон эмессиң.+
Эч нерсеге көңүл бурган эмессиң.+
Мен унчукпай, эч нерсе дебей* келген эмес белем?+
Ошон үчүн менден корккон жоксуң.
12 Мен жалган адилдигиң,+ иштериң жөнүндө айтып берем,+Алардын сага пайдасы тийбейт.+
13 Жардамга чакырганыңда,Жыйнап алган буркандарың сени куткарбайт.+
Алардын баарын шамал учуруп кетет,Баарын жел айдап кетет.
Ал эми мени баш маана кылгандар жерди мурастап,Ыйык тоомду ээлешет.+
14 Ошондо: „Жол салгыла, жол салгыла! Жол даярдагыла!+
Элимдин жолунан тоскоолдуктардын баарын алып салгыла“,— дешет».
15 Түбөлүк жашаган,+ ысмы ыйык+ Эң Жогорку Кудай,Улуу Даражалуу Кудай мындай дейт:
«Мен жогоруда, ыйык жайда жашасам да,+Момундарга дем-күч берип,Кыйналгандардын жан дүйнөсүн жандандырыш үчүнКыйналган, момун адамдар менен да жашайм.+
16 Себеби аларды түбөлүк айыптап,Чексиз каардана бербейм;+Болбосо адамдар алсырап,+Өзүм жараткан тирүү жандын баары мүңкүрөп калмак.
17 Ал* арам оокаттын артынан түшкөндүктөн, каарым кайнады,+Ошон үчүн ага сокку урдум, ачууланып, жүзүмдү тескери бурдум.
Ал болсо чыккынчыдай иш кылып,+ жүрөгүнө жаккан жолдо жүрө берди.
18 Мен анын жүргөн жолдорун көрдүм.
Бирок эми аны айыктырам,+ жетектеп жүрөм,+Өзүн да, аны менен кошо күйүт тарткандарды+ да сооротом».+
19 «Мен адамдын оозуна даңктоо сөздөрүн салам.
Алыстагылар да, жакындагылар да чексиз тынчтыкка бөлөнөт,+Мен аларды айыктырам»,— дейт Жахаба.
20 «Ал эми ыймансыздар тынч ала албаган, алай-дүлөй түшкөн,Суулары балыр менен ылай чачкан деңиздей.
21 Ыймансыздарга тынчтык жок»,— дейт Кудайым.+
Шилтемелер
^ Же балким: «Адил адам өлүп, азаптан кутулганын».
^ Сөзмө-сөз: «төшөгүндө».
^ Же: «Өзүңөр күнөөкөр балдар, жалганчы урпактар эмессиңерби?»
^ Же: «сайларда».
^ Сыягы, жалган кудайга арналган курмандык жайы же ага сыйына турган жер.
^ Сыягы, буркандын сөлөкөтү.
^ Сыягы, жалган кудайларга сыйынганда эркектин мүчөсүнө окшогон сөлөкөттү колдонууну билдирет.
^ Же балким: «Падышага».
^ Же: «иштериңди жашырып».
^ Сыягы, ысрайыл элин билдирет.
