Микей 4:1—13
4 Акыркы күндөрдөЖахабанын үйү турган тоо+Бардык тоолордун чокусунан бийик көтөрүлүп, козголгус болот,Адырлардан жогору көтөрүлөт,Ага элдер агылып келет.+
2 Көптөгөн элдер келип:
«Жүргүлө, Жахабанын тоосуна чыгып,Жакыптын Кудайынын үйүнө баралы.+
Ал бизге өзүнүн жолун көрсөтөт*,Биз анын жолу менен жүрөбүз»,— дешет.
Анткени Сиондон мыйзам*,Иерусалимден Жахабанын сөзү чыгат.
3 Ал көптөгөн элдердин арасында сот жүргүзүп,+Алыстагы күчтүү элдердин да иштерин жөнгө салат.
Алар кылычтарынан соконун тишин,Найзаларынан багбандын бычагын жасашат.+
Эл элге каршы кылыч көтөрбөйт,Мындан ары согушканды үйрөнбөйт.+
4 Ар бири өзүнүн жүзүмү менен өзүнүн анжиринин астында отурат*.+
Аларды эч ким коркутпайт,+Себеби муну асман аскерлеринин Кудайы Жахаба айтты.
5 Бардык элдер, ар бири өз кудайынын аты менен аталат*,Биз болсо түбөлүктөн түбөлүккө Жахаба Кудайыбыздын аты менен аталганыбызга ылайык жашайбыз*.+
6 «Ошол күнү,— дейт Жахаба,—
Мен аксаган элимди чогултам,Туш тарапка чачырап кеткендерди,Өзүм жазалагандарды да чогултам.+
7 Аксаган элдин калдыгын сактап калам,+Алыска куулгандарды күчтүү эл кылам.+
Мен, Жахаба, ошондон тартып түбөлүккөСион тоосунан аларга падышалык кылам.
8 Сага болсо, койчулар оторуна көз салып турган мунара,Сион кызынын* дөңсөөсү,+Баштапкы бийлигиң кайтарылып берилет,+Иерусалим кызына таандык падышалык кайтарылат.+
9 Анда эмнеге өкүрүп жатасың?
Төрөп жаткан аялга окшоп кыйналгыдай,+Эмне, падышаң жокпу?
Же эмне, кеңешчиңден айрылдыңбы?
10 Сион кызы, төрөп жаткан аялга окшопКатуу кыйнал, онто.
Себеби сен шаардан чыгып, талаада жашаганга аргасыз болосуң.
Бабылга* чейин барганга мажбур болосуң,+Ошол жерден куткарыласың.+
Ошол жактан Жахаба сени душмандарыңдын колунан сатып алат.+
11 Көптөгөн элдер сага каршы чогулушат,Алар: „Сион арамдалса экен,Анын арамдалганын көрсөк экен“,— дешет.
12 Бирок алар Жахабанын ойлорун билишпейт,Анын ой-ниетин түшүнүшпөйт.
Ал баарын чогултуп, кырманга топтолгон жаңы орулган эгинди бастыргандай бастырат.
13 Сион кызы, тур да, эгин бастыр,+Себеби мүйүзүңдү темир,Туяктарыңды жез кылам.
Ошондо сен көп элдерди талкалайсың,+Алардын арам жол менен тапкандарын,Байлыгын бүт жер жүзүнүн Теңири Жахабага арнайсың».+
Шилтемелер
^ Же: «өзүнүн кантип иш кыларын үйрөтөт».
^ Же: «көрсөтмө».
^ Же: «жашайт». Бул гүлдөп-өсүп, тынч, коопсуз жашоону билдирет.
^ Сөзмө-сөз: «аты менен жүрөт».
^ Сөзмө-сөз: «аты менен жүрөбүз».
^ «Сион кызы», «Иерусалим кызы» деген поэтикалык сөз айкаштары, адатта, Иерусалим шаарын же анын тургундарын билдирет.
^ Вавилонго.
