Забур 89:1—52
Маскил. Эзрактын тукумунан чыккан Этандын+ ыры.
89 Жахабанын туруктуу сүйүүсү жөнүндө түбөлүккө ырдайм.
Ишенимдүүлүгүңдү муундан муунга жар салам.
2 Анткени: «Туруктуу сүйүүң түбөлүккө турат,+Ишенимдүүлүгүң асмандай түбөлүктүү»,— дедим.
3 Сен: «Мен тандаган кызматчым менен келишим түздүм,+Кызматчым Дөөтүгө мындай деп ант бердим:+
4 „Сенин тукумуңду+ түбөлүккө башкаргыдай кылам,Бийлигиңди* муундан муунга бекемдейм“»,+— дедиң. (Села)
5 Оо, Жахаба, асман сенин ажайып иштериңди даңктайт,Ыйыктардын жыйналышында ишенимдүүлүгүң даңазаланат.
6 Анткени асманда Жахабага тең келген ким бар?+
Кудайдын уулдарынын*+ арасында Жахабага окшош ким бар?
7 Ыйыктардын жыйынында* ага терең урмат-сый көрсөтүлөт;+Ал улук, тегерегиндегилердин баары аны кастарлап турат.+
8 Оо, асман аскерлеринин Кудайы Жахаба,Сендей кубаттуу ким бар, оо, Жах?+
Сен бардык жагынан ишеничтүүсүң.+
9 Албууттанган деңизди башкарасың,+Долуланган толкундарын тынчтандырасың.+
10 Рахапка*+ катуу сокку уруп өлтүрдүң,+Күчтүү колуң менен душмандарыңды чачыратып жибердиң.+
11 Асман да, жер да сеники.+
Жер менен андагынын баарын сен жараткансың.+
12 Түндүк менен түштүктү сен жараткансың,Табор+ менен Хермон+ тоолору ысмыңды даңктап кубанат.
13 Сенин билегиң күчтүү,+Колуң кубаттуу,+Оң колуң жогору көтөрүлгөн.+
14 Сен адилдик, акыйкаттык менен бийлик жүргүзөсүң;+Туруктуу сүйүүң менен берилгендигиңди дайыма көрсөтөсүң.+
15 Сени даңктап кубанычтуу үн салган эл бактылуу.+
Оо, Жахаба, алар жүзүңдөн чачыраган жарыкта жүрүшөт.
16 Ысмыңдан улам күнү бою кубанышат,Адилдигиңден улам зоболосу көтөрүлөт.
17 Анткени сен элиңе күч бересиң, аларды даңкка бөлөйсүң;+Ырайымыңдын аркасында күчүбүзгө күч кошулду*.+
18 Биздин калканыбыз Жахабадан,Падышабыз Ысрайылдын Ыйыгынан.+
19 Ошол убакта сен берилген кызматчыларыңа аян аркылуу мындай дегенсиң:
«Мен күчтүүгө жардам бердим,+Эл ичинен тандалганды жогору көтөрдүм.+
20 Кызматчым Дөөтүнү тандадым,+Аны ыйык май* менен майлап дайындадым.+
21 Мен аны колдойм,+Ага күч-кубат берем.
22 Бир да душман ага салык салбайт,Бир да ыймансыз аны кысымга албайт.+
23 Мен анын алдында душмандарын талкалайм,+Аны жек көргөндөргө сокку урам.+
24 Ишенимдүүлүгүм, туруктуу сүйүүм аны коштоп жүрөт,+Өз ысмым үчүн анын күчүн арттырам.
25 Ага деңиздин үстүнөн,Дарыялардын үстүнөн бийлик берем.+
26 Ал мага: „Сен менин Атамсың, Кудайымсың,Мени куткарган Аска-зоомсуң“,— деп кайрылат.+
27 Аны туңгучум кылам,+Жердеги падышалардын баарынан жогору коём.+
28 Аны түбөлүккө сүйөм*,+Аны менен түзгөн келишимим эч качан бузулбайт.+
29 Анын тукумун түбөлүккө улана тургандай кылам,Башкаруусун асмандай түбөлүктүү кылам.+
30 Эгер уулдары мыйзамыма баш ийбей калышса,Буйруктарым* боюнча жашабаса,
31 Көрсөтмөлөрүмө карманышпаса,Осуяттарымды аткарышпаса,
32 Анда аларды баш ийбестиги* үчүн таяк менен жазалайм,+Күнөөсү үчүн сокку урам.
33 Бирок аны эч качан сүйүүмөн* ажыратпайм,+Берген убадамдан тайбайм.
34 Келишимимди бузбайм,+Оозуман чыккан сөзүмдү өзгөртпөйм.+
35 Ыйыктыгымды оозанып бир жолу жана биротоло ант бергем,Дөөтүгө калп айтпайм.+
36 Анын тукуму түбөлүккө уланат,+Бийлиги менин алдымда күнгө окшоп түбөлүктүү болот.+
37 Айга, асмандагы ишеничтүү күбөгө, окшоп,Тактысы түбөлүккө орнотулат». (Села)
38 Бирок сен тандаганыңдан* баш тарттың, аны жеридиң,+Ага каарың кайнады.
39 Кызматчың менен түзгөн келишимиңди четке кактың,Таажысын жерге ыргытып, арамдадың.
40 Анын бардык таш дубалдарын* талкаладың,Коргондорун урандыга айланттың.
41 Жолдон өткөндөрдүн баары аны талап-тоноду,Ал өзүнүн коңшуларына маскара болду.+
42 Сен ага кас болгондорду жеңишке жеткирдиң,+Бардык душмандарын кубанттың.
43 Ал душмандарына кылыч шилтеди, бирок сен аны артка чегинттиң,Салгылашта аны колдогон жоксуң.
44 Аны кадыр-баркынан ажыраттың,Тактысын жерге кулаттың.
45 Жаштык күндөрүн кыскарттың,Аны уятка калтырдың. (Села)
46 Оо, Жахаба, качанга чейин бизди карабай коёсуң? Түбөлүккөбү?+
Каарың качанга чейин оттой болуп жалындай берет?
47 Өмүрүмдүн канчалык кыска экенин унутпачы!+
Сен адам баласын бекер жараттың беле?
48 Тирүүлөрдүн арасында өлүмдү көрбөй турган ким бар?+
Ким өз жанын көрдөн* сактап кала алат? (Села)
49 Оо, Жахаба, туруктуу сүйүүңдөн улам кылган иштериңди,Ишенимдүүлүгүңдү оозанып Дөөтүгө ант берген иштериңди эмнеге азыр кылбай калдың?+
50 Оо, Жахаба, кызматчыларыңдын шылдыңга алынганын,Менин бардык элдердин кордугуна чыдап келатканымды эстей көр.
51 Оо, Жахаба, душмандарыңдын кандай тил тийгизгенин,Тандалганыңды жүргөн жеринин баарында кантип кордошконун эстей көр.
52 Жахаба түбөлүккө даңкталсын. Оомийн, оомийн.+
Шилтемелер
^ Сөзмө-сөз: «Тактыңды».
^ Же: «Периштелердин».
^ Же: «кеңешинде».
^ Сыягы, Мисир же фараон.
^ Сөзмө-сөз: «мүйүзүбүз жогору көтөрүлдү».
^ Мындай май кимдир бирөөнү кызматка дайындаганда майлоо үчүн колдонулчу.
^ Же: «Ага туруктуу сүйүүмдү түбөлүккө көрсөтөм».
^ Же: «Өкүмдөрүм».
^ Же: «козголоңчулдугу».
^ Же: «туруктуу сүйүүмөн».
^ Сөзмө-сөз: «майланганыңдан».
^ Же: «таштан жасалган баш паанасын».
