Забур 32:1—11

Дөөтүнүн забуру. Маскил*. 32  Кылмышы кечирилген, күнөөсү жабылган киши бактылуу+.  Айыбын Жахаба эсепке албаган+,Куулугу жок адам бактылуу+.  Унчукпай жүргөнүмдө, эртеден кечке онтогонуман сөөктөрүм кургап кетти+.  Анткени сенин колуң мени күнү-түнү кыйнады+,Өмүрүм жайдын аптабындагыдай соолуду+. (Села)  Акыры күнөөмдү сага ачык айттым, айыбымды жашырган жокмун+.«Кылмыштарымды мойнума алып, Жахабага айтам»,— дедим+.Ошондо сен менин катамды, күнөөлөрүмдү кечирдиң+. (Села)  Андыктан ар бир ишенимдүү кызматчың сенден тиленет+,Өз убагында сени издеп табат+.Ага ташкындаган суулардын зыяны тийбейт+.  Сен баш маанамсың, мени азап-кайгыдан сактайсың+,Куткарып, шаттыкка бөлөйсүң+. (Села)  «Сага түшүнүк берем, сени жүрүшүң керек болгон жолго салам+.Кеңеш берем, сенден көзүмдү албайм+.  Аң-сезими жок аттай, качырдай болбо+.Жоошутуш үчүн аларга жүгөн, ооздук салышат+,Болбосо жанына жолотпойт»+. 10  Ыймансыздын азап-кайгысы көп+,Ал эми Жахабага таянганды мээримдүүлүк курчап турат+. 11  Адил адамдар, Жахабанын иштерине кубангыла, сүйүнгүлө+.Жүрөгү тазалар, шаттангыла+.

Шилтемелер

Так мааниси белгисиз. Сыягы, «ой жүгүртүү түрүндөгү ыр» дегенди билдирет.