Башталыш 5:1—32
5 Адамдын жашоосу жөнүндөгү билдирүү мындай: Кудай Адамды жаратканда аны өзүнө окшоштуруп жараткан+.
2 Аларды эркек-аял кылып жаратып+, батасын берген жана жараткан күнү+ аларды адам деп атаган+.
3 Адам 130 жашка чыкканда өзүндөй болгон, өзүнө окшош уулдуу болуп, атын Шет койгон+.
4 Шет төрөлгөндөн кийин, Адам 800 жыл жашаган. Ошол мезгил аралыгында анын дагы башка уул-кыздары төрөлгөн+.
5 Адам 930 жашка чыгып көз жумган+.
6 Шет 105 жашка чыкканда Энош+ деген уулдуу болгон.
7 Энош төрөлгөндөн кийин, Шет 807 жыл жашаган. Ошол мезгил аралыгында анын дагы башка уул-кыздары төрөлгөн.
8 Шет 912 жашка чыгып көз жумган.
9 Энош 90 жашка чыкканда Кенан+ деген уулдуу болгон.
10 Кенан төрөлгөндөн кийин, Энош 815 жыл жашаган. Ошол мезгил аралыгында анын дагы башка уул-кыздары төрөлгөн.
11 Энош 905 жашка чыгып көз жумган.
12 Кенан 70 жашка чыкканда Маалалил+ деген уулдуу болгон.
13 Маалалил төрөлгөндөн кийин, Кенан 840 жыл жашаган. Ошол мезгил аралыгында анын дагы башка уул-кыздары төрөлгөн.
14 Кенан 910 жашка чыгып көз жумган.
15 Маалалил 65 жашка чыкканда Жарет+ деген уулдуу болгон.
16 Жарет төрөлгөндөн кийин, Маалалил 830 жыл жашаган. Ошол мезгил аралыгында анын дагы башка уул-кыздары төрөлгөн.
17 Маалалил 895 жашка чыгып көз жумган.
18 Жарет 162 жашка чыкканда Энох+ деген уулдуу болгон.
19 Энох төрөлгөндөн кийин, Жарет 800 жыл жашаган. Ошол мезгил аралыгында анын дагы башка уул-кыздары төрөлгөн.
20 Жарет 962 жашка чыгып көз жумган.
21 Энох 65 жашка чыкканда Матушал+ деген уулдуу болгон.
22 Матушал төрөлгөндөн кийин, Энох чыныгы Кудайдын жолунда* 300 жыл жүргөн. Ошол мезгил аралыгында анын дагы башка уул-кыздары төрөлгөн.
23 Энох бардыгы болуп 365 жыл жашаган.
24 Ал чыныгы Кудайдын+ жолунда* жүргөн+. Анан аны Кудай алып кеткендиктен, кийин аны эч ким көргөн эмес+.
25 Матушал 187 жашка чыкканда Лемек+ деген уулдуу болгон.
26 Лемек төрөлгөндөн кийин, Матушал 782 жыл жашаган. Ошол мезгил аралыгында анын дагы башка уул-кыздары төрөлгөн.
27 Матушал 969 жашка чыгып көз жумган.
28 Лемек 182 жашка чыкканда уулдуу болгон.
29 Ал: «Бул биздин Жахаба каргаган жерди+ иштеткенде тарткан азабыбызды, оор эмгегибизди жеңилдетип, сооронуч болот» — деп, уулунун атын Нух*+ койгон.
30 Нух төрөлгөндөн кийин, Лемек 595 жыл жашаган. Ошол мезгил аралыгында анын дагы башка уул-кыздары төрөлгөн.
31 Лемек 777 жашка чыгып көз жумган.
32 Нух 500 жашка чыккандан кийин, андан Шем+, Хам+, Жапет+ төрөлгөн.
Шилтемелер
^ Сөзмө-сөз: «чыныгы Кудай менен».
^ Сөзмө-сөз: «чыныгы Кудай менен».
^ Мааниси: «эс алуу; сооронуч».
