Башталыш 46:1—34
46 Ошентип, Ысрайыл бардык мал-мүлкүн алып жолго чыкты. Беир-Шебага+ жеткенде атасы Ыскактын Кудайына+ арнап курмандыктарды чалды.
2 Анан Кудай түндө Ысрайылга аян берип+: «Жакып, Жакып!» — деп чакырды. Ал: «Угуп жатам!» — деди+.
3 Кудай ага: «Мен чыныгы Кудаймын+, атаңдын Кудайымын+. Мисирге баргандан коркпо, анткени ошол жерде сенден улуу эл жаратам+.
4 Мен Мисирге сени менен барам, анан кайра ал жерден сени өзүм алып чыгам+. Сен өлгөндө, Жусуп көзүңдү өз колу менен жабат»,— деди+.
5 Ысрайылдын, Жакыптын, уулдары фараондун Жакыпты алып келиш үчүн жөнөткөн арабаларына атасы Жакыпты, балдары менен аялдарын салып жөнөштү+.
6 Алар Канаан жеринде топтогон мал-мүлкүн да ала кетишти+. Ошентип, Жакып бүт бала-бакырасы менен Мисир жерине барды.
7 Ал Мисирге өзү менен кошо бүт тукумун: бардык уул-кыздарын, неберелерин ала барды+.
8 Ысрайылдын, тактап айтканда, Жакыптын Мисирге барган уулдары булар+: тун уулу — Рубейин+.
9 Рубейиндин уулдары: Ханох, Палу, Кесрон, Карми+.
10 Шымондун+ уулдары: Жемуел, Жамин, Охат, Жахин+, Зохар жана канаандык аялы төрөгөн Шабул+.
11 Лебинин+ уулдары: Гершон+, Каат+, Мерари+.
12 Жүйүттүн+ уулдары: Эр+, Онан+, Шелах+, Перес+, Зерак+. Эр менен Онан Канаан жеринде өлгөн+.
Перестин уулдары: Кесрон+ менен Хамул+.
13 Исахардын+ уулдары: Тола+, Пуба+, Аюп, Шимрон+.
14 Забулундун+ уулдары: Серет, Элон, Жахлел+.
15 Лия Падан-Арамда Жакыпка ушул уулдарын+ жана кызы Динаны төрөп берген+. Анын бардык уул-кыздары отуз үч жан эле.
16 Гаттын+ уулдары: Зипон, Хаги, Шуни, Эзбон, Эри, Арот, Арели+.
17 Ашырдын+ уулдары: Имнак, Ишба, Ишби, Берия+. Анын Серак деген да кызы болгон.
Бериянын уулдары: Хебер менен Малкиел+.
18 Булар — Лабан өзүнүн кызы Лияга күң катары берген Зилпанын Жакыпка төрөп берген уул-кыздары+. Алар бардыгы биригип он алты жан эле.
19 Жакыптын аялы Рахилдин+ уулдары: Жусуп+ менен Бенжемин+.
20 Мисирде Жусуптан Менаше+ менен Эпрайым*+ төрөлдү. Аларды ага Он деген шаардын дин кызматчысы Потипердин кызы Асинат төрөп берди+.
21 Бенжеминдин уулдары: Бела+, Бехер+, Ашбел, Гера+, Нааман+, Эхи, Рош, Мупим+, Хупим+, Арт.
22 Булар — Рахилдин Жакыпка төрөп берген уулдары. Алар бардыгы биригип он төрт жан эле.
23 Дандын+ уулдары: Хушим+...
24 Напталынын+ уулдары: Жахсил, Гуни+, Жесер, Шилем+.
25 Булар — Лабан өзүнүн кызы Рахилге күң катары берген Биланын+ Жакыпка төрөп берген уулдары. Алар бардыгы биригип жети жан эле.
26 Жакыптын Мисирге аны менен чогуу барган тукумдары+, келиндерин кошпогондо, алтымыш алты жан эле.
27 Мисирде Жусуптан эки уул төрөлгөн. Ошентип, Мисирге Жакыптын үй-бүлөсүнө кирген жетимиш* жан барган+.
28 Жакып Гошенге баратканын Жусупка билдириш үчүн өзүнөн мурун Жүйүттү жөнөттү+. Анан алар Гошенге барышты+.
29 Жусуп арабасын коштуруп, атасы Ысрайылга жолугуш үчүн Гошенге жөнөдү+. Атасын көргөндө чуркап барып, мойнунан кучактап, көпкө чейин ыйлады+.
30 Анан Ысрайыл Жусупка: «Эми өлө берсем болот+. Анткени сенин жүзүңдү көрдүм, сенин тирүү экениңди билдим»,— деди.
31 Жусуп бир туугандары менен атасынын үй-бүлөсүнө мындай деди: «Барып, фараонго+: „Канаан жериндеги бир туугандарым менен атамдын үй-бүлөсү келиптир+.
32 Алар — койчулар+, мал багышат+. Бул жакка бардык майда малы менен бодо малын, бүт мүлкүн ала келишиптир“,— деп айтайын+.
33 Эгер фараон силерди чакырып: „Эмне иш кыласыңар?“ — деп сураса,
34 силерге Гошен жерин бериши үчүн+, ага: „Кулдарың, ата-бабалары сыяктуу эле, жаштайынан мал багышат“+,— деп жооп бергиле. Анткени мисирликтер кой баккандардын баарынан жийиркенишет»+.
