Tala mambu

Tala ntu mia mambu

Mbangi za Yave

Sola ndinga Kikongo

 NTU A DIAMBU WA FUKWA | AKI NANI I MBANGI ZA YAVE?

Ekuma Tusilanga Umbangi?

Ekuma Tusilanga Umbangi?

Wantu batomene kutuzaya mu kuma kia salu kieto kia samuna e nsangu zambote mu nzo ye nzo, mu fulu ya ndonga ye fulu yawonso tuwananga wantu. Ekuma tusadilanga e salu kiaki?

Mbangi za Yave besamunanga e nsangu zambote mu kembelela Nzambi yo zayisa nkumbu andi kwa wantu. (Ayibere 13:15) Tulemvokelanga mpe nkanikinu a Yesu Kristu ona wavova vo: “Nwenda, nwakitula wantu a zula yawonso s’alongoki, . . . nwabalonga vo balunda mambu mawonso inukanikini.”—Matai 28:19, 20.

Kuna diak’e sambu, tuzolanga wantu ankaka. (Matai 22:39) Tuzeye wo vo wantu bena ye mabundu mau ye ke awonso ko bezolanga nsangu tusamunanga. Kansi, tukwikilanga vo malongi ma Nkand’a Nzambi mioyo mia wantu mevuluzanga. E kiaki i kuma ‘ke tuyambulwilanga longa ko yo samuna e nsangu zambote mu kuma kia Kristu’ nze una bavanga Akristu muna tandu kiantete.—Mavangu 5:41, 42.

Antonio Cova Maduro wa nkwa ngangu (sociólogo) wasoneka vo: “Mbangi za Yave bevanganga ngolo . . . , kimana e Diambu dia Nzambi diawakana yakuna nsuk’a nza.”—Zulunalu ya El Universal, Venezuela

Ayingi muna atangi a nkanda mieto ka Mbangi za Yave ko. Mafunda ye mafunda ma wantu belongokanga yeto Nkand’a Nzambi akwa mabundu mankaka. Kansi, bena ye kiese kia kingulwa kwa Mbangi za Yave.

Nanga yuvu yankaka una yau mu kuma kia Mbangi za Yave. Avo i wau, tulombele wavava e mvutu muna:

  • Yuvula mosi muna Mbangi za Yave.

  • Ziula e nzila eto muna internete www.jw.org/kwy.

  • Lungana yeto muna tukutakanu, kufuta nzimbu ko.