Tala mambu

Tala ntu mia mambu

Mbangi za Yave

Sola ndinga Kikongo

 NTU A DIAMBU WA FUKWA | AKI NANI I MBANGI ZA YAVE?

Mbangi za Yave—Nkia Mpila Wantu Bena?

Mbangi za Yave—Nkia Mpila Wantu Bena?

E nkubik’eto ya nza mvimba, kansi ke tuna kintwadi ye mabundu mankaka ko. E vula dieto diasina ku Estados Unidos dina, kansi ayingi muna Mbangi za Yave mu nsi zankaka bezingilanga. Tezo kia 8.000.000 (8 milhões) ma Mbangi za Yave twina mu nza, tulonganga e Diambu dia Nzambi mu vioka 230 za nsi. Muna mpila yayi, tulugisanga e mvovo mia Yesu: “E nsangu zazi zambote za Kintinu zisamunwa muna nza yawonso, muna umbangi kwa zula yawonso, i bosi iluak’e mbaninu.”—Matai 24:14.

Muna konso nsi tuzingilanga, tulemvokelanga e nsiku mia luyalu. Kansi, tuvanganga e ngolo za lembi kuyisia mu mambu ma mbumba. Tuvanganga wo muna lemvokela luludiku kavana o Yesu kwa Akristu lwa ‘lembi kala wantu a nza.’ Ozevo, ke tukuyisianga mu mambu ma mbumba ko ngatu yikama e salu yovo vita zau. (Yoane 15:19; 17:16) Vava kiabwa Vit’Anzole ya Nz’Amvimba, Mbangi za Yave basiwa mu pelezo, bawandwa yo vondwa wau balembi kuyisia muna mambu ma tuyalu. Muntu mosi wakala bispo kuna Alemanha wasoneka mu kuma kiau vo: “Mbangi za Yave kaka balenda vova ye ziku kiawonso vo ka bakota mu kisoladi ko muna luyalu lwa Hitler.”

“[Mbangi za Yave] akwa fu yambote. Bafwana siwa va fulu ya tunda muna luyalu, kansi ke betambulwilanga ko. . . . Bezitisanga luyalu kansi bekwikilanga vo Kintinu kia Nzambi kaka kifokola mpasi za wantu.”—Zulunalu ya Nová Svoboda (Nova Liberdade), República Tcheca.

Kansi, ke tukuyivambulanga ko. Yesu wasamba kwa Nzambi mu kuma kia alandi andi vo: ‘Kidodokele ko vo wabakatul’omu nza.’ (Yoane 17:15) Ozevo, olenda kutumona muna salu, muna mazandu ye ku sikola.