Tala mambu

Tala ntu mia mambu

Mbangi za Yave

Sola ndinga Kikongo

Mvutu za Yuvu ya Nkand’a Nzambi

Mvutu za Yuvu ya Nkand’a Nzambi

Ekuma o Nkand’a Nzambi winina ye ungunza?

Ekuma Nkand’a Nzambi Uvovelanga Mambu ma Lumbu Yeto?—Luka 21:10, 11.

Mambu mayingi masakulwa mu Nkand’a Nzambi. Ke vena muntu ko olenda sakula mambu mevangama kuna ntwala ye una mevangamena. Kansi, e ndungan’a mambu masakulwa mu Nkand’a Nzambi i ziku kisonganga vo Nzambi wavumunwina nkanda wau.—Tanga Yosua 23:14; 2 Petelo 1:20, 21.

O ungunza walungana ukutuvananga e kuma kiasikila mu kwikila muna Nzambi. (Ayibere 11:1) Ukutukwikidisanga mpe vo e nsilu mia Nzambi mu kuma kia zingu kiambote muna paradiso ulungana. O ungunza wa Nkand’a Nzambi ukutuvananga vuvu kiakieleka.—Tanga Nkunga 37:29; Roma 15:4.

Aweyi ungunza wa Nkand’a Nzambi ukutusadisilanga?

Vena ye ungunza ulukisanga selo ya Nzambi mu baka nzengo zambote. Muna bong’e nona, vava Akristu a tandu kiantete bamona e ndungan’a ungunza wa Nkand’a Nzambi, bayaluka kuna mbanz’a Yerusaleme. Kuna kwalanda, vava e mbanza yayina yafwaswa mu kuma ki’awana babembola Yesu, Akristu ana bakivaikila bavuluka.—Tanga Luka 21:20-22.

O unu, e ndungan’a ungunza isonganga vo ke kolo ko Kintinu kia Nzambi kifwasa yintinu ye tuyalu twawonso twa wantu. (Daniele 2:44; Luka 21:31) Muna kuma kiaki, konso muntu ofwete vanga mawonso mu vua e dienga dia Yesu Kristu wa Ntinu ona wasolwa kwa Nzambi.—Tanga Luka 21:34-36.