Tala mambu

Tala ntu mia mambu

Mbangi za Yave

Sola ndinga Kikongo

 NTU A DIAMBU WA FUKWA | AWEYI OLENDA YANGALELA SALU KIAKU?

Hard Work—Is It Outdated?

Hard Work—Is It Outdated?

Alex ovumukini vava kazangwidi caixa yankaka yo sia yo muna kalu dia kompani kesadilanga. Ukiyuvuidi: ‘Ekuma nginina kaka mu salu kiaki? Nkia ntangwa ikala ye salu kiambote? E zingu kiame kiambote kiadi kala kele vo kisadingi kwame ko!’

Nze Alex, ndonga o unu ke bezolanga sala salu ya ngolo ko. Aaron ona osalanga se mekaniku wavova vo: “Wantu ayingi beyindulanga vo o sala e salu ya moko zitu wau dikululanga. Beyindulanga: ‘Yambula yasala kaka e salu kiaki yavana isolola salu kiambote.’”

Ekuma wantu ayingi bemwenanga vo ke balendi sala salu kia ngolo ko? Nanga bevukumunwanga kwa amwangi a nsangu ana bevovanga vo e “zingu kiambote” i kala ye mavua ye salu yaleboka. Matthew ona osalanga e salu kia vangulula lekwa wavova vo: “O wantu beyindulanga vo avo o muntu osadidi e salu ya ngolo ke kala ye zingu kiambote ko.” Shane ona osalanga salu kia velelesa sikola, omonanga mpe e ziku kia diambu diadi. Wavova vo: “Wantu ke bazolele diaka sala lumbu kiamvimba ko muna futwa.”

Kuna diak’e sambu, wantu ayingi bena ye zingu kiambote, kansi beyangalelanga sala e salu ya ngolo. Daniel una ye kimbuta kia mvu 25 osalanga e salu kia tunga nzo, wavova vo: “Osala e salu kia ngolo nluta ditwasanga musungula vava kisalwanga ye makani mambote.” Andre una ye kimbuta kia mvu 23 wavova vo: “Ikwikilanga vo e salu kia ngolo kiese yo luyangalalu kitwasanga. Kansi—e salu kia leboka kimolo kitwasanga.

Ekuma wantu nze Daniel yo Andre benena ye ngindu zasikila mu kuma kia salu ya ngolo? Kadi belemvokelanga e nkanikinu mia Nkand’a Nzambi muna zingu kiau. Nkand’a Nzambi ukasakesanga o wantu vo bakivana mu salu vana fulu kia kala miolo. Kansi, o Nkand’a Nzambi ke ukutukasakesanga kaka ko vo twasala. Ukutusonganga mpe una tulenda yangalela e salu kieto.

Nkia nkanikinu mia Nkand’a Nzambi milenda kutusadisa mu yangalela e salu kieto? Tulombele wabadika nkanikinu miami muna longi dilanda.