Tala mambu

Tala ntu mia mambu

Mbangi za Yave

Sola ndinga Kikongo

Minkwikizi muna mabundu mana matomene zayakana ova nza, bekwikilanga vo moyo a muntu ke ufwanga ko

 NTU A DIAMBU WA FUKWA | ADIEYI NKAND’A NZAMBI UVOVANGA MU KUMA KIA MOYO YO LUFWA?

Kiuvu kia Mpimpita

Kiuvu kia Mpimpita

WANTU ngindu zaswaswana bena zau mu kuma kia moyo yo lufwa. Ankaka beyindulanga vo avo muntu ofwidi, ku fulu kiankaka ke kwenda zingilanga. Akaka beyindulanga vo, ku fulu kiankaka bekwenda wutulukanga. Vo i ankaka beyindulanga vo lufwa i mfoko a mawonso.

Ongeye mpe olenda kala ye ngindu zaku mu kuma kia diambu diadi. Wau vo wantu ayingi ngindu zaswaswana bena zau mu kuma kia dina divangamanga avo muntu ofwidi, nga vena yo muntu olenda kutusadisa yovo fulu tulenda bakila mvutu za ludi mu kuma kia kiuvu kiaki kia mpimpita?

Se mvu miayingi e mfumu za mabundu belonganga vo moyo a muntu ke ufwanga ko. Minkwikizi muna mabundu mana matomene zayakana ova nza, i sia vo, Akristu, esi Hindus, Ayuda, Muculmano ye mabundu mankaka, bekwikilanga vo moyo a muntu ke ufwanga ko. Bevovanga vo nitu kaka ifwanga, vo i moyo ku fulu kiankaka ukwenda zingilanga. Muna dibundu dia Buda, wantu bekwikilanga vo muna wutuluka nkumbu miayingi, e ngolo yovo nkuma ukalanga muna nitu a muntu ulenda lwaka muna fulu kiyikilwanga vo Nirvana, i sia vo, okitukidi wavauka.

Mu kuma kia malongi mama, wantu ayingi mu nza yawonso bekwikilanga vo lufwa luziulanga e nzila mu kwenda zingila mu nza yankaka. Kuna kwa ndonga, o lufwa i dimosi muna mambu mevangamanga muna zingu, kuna kwa yau i kani dia Nzambi. Kansi adieyi Nkand’a Nzambi uvovanga mu kuma kia diambu diadi? Dodokolo diaku, tanga e longi dilende. E mvutu zina mo zilenda kusivikisa.