Nga i kala ye . . .

  • zola?

  • nzimbu?

  • manbu makaka?

 ADIEYI UVOVANGA O NKAND’A NZAMBI?

“Akwa nsambu, ana bewa mambu ma Nzambi yo lunda mo.”—Luka 11:28, Tradução do Novo Mundo.

NKIA NLUTA DILENDA KUTWASILA?

Okala yo zola kwakieleka.—Efeso 5:28, 29.

Ozitiswa una ufwene.—Efeso 5:33.

Okala yo luvuvamu lwakieleka.—Maku 10:6-9.

 NGA TULENDA KWIKILA KIKILU DINA NKAND’A NZAMBI UVOVANGA?

Elo, vena ye kuma yole yamfunu:

  • Nzambi i Tuku dia zingu kia esi nzo. Nkand’a Nzambi uvovanga vo Yave wa Nzambi “olukwanga vumu yawonso.” (Efeso 3:14, 15) Muna mvovo miakaka, tulenda vova vo vena ye nkubika ya esi nzo, kadi Yave wasikidisa yo. Ekuma tulenda vovela ediadi?

    Badika edi: Avo oyangalele madia matoma lambwa ye ozolele zaya una melambilwanga, kwa nani oyuvula? Dialudi vo kwa muntu olambidi mo.

    Diau adimosi mpe, muna kala ye zingu kia nzo kiakiese, tufwete vavanga luludiku lwa Yave ona wasikidisa e nkubika ya esi nzo.—Etuku 2:18-24.

  • Nzambi okunuvwang’o mfunu. Diangangu kwa esi nzo mu lemvokelanga luludiku kevananga o Yave muna Diambu diandi. Ekuma? ‘E kuma kadi mfunu kekunuvwanga.’ (1 Petelo 5:6, 7) Yave wete dieno kevavanga, o sadila malongi mandi nluta kaka ditwasanga.—Ngana 3:5, 6; Yesaya 48:17, 18.

 KIUVU OLENDA BADIKA

Aweyi olenda kadila yakala diambote, nkento, se yovo ngudi ambote?

Nkand’a Nzambi uvananga e mvutu za kiuvu kiaki muna EFESO 5:1, 2 ye KOLOSAI 3:18-21.