Tala mambu

Mbangi za Yave

Sola ndinga Kikongo

Nkia Vuvu una Kiau mu Kuma kia Kusentu?

Nkia Vuvu una Kiau mu Kuma kia Kusentu?

Nga mambu ova nza yayi . . .

  • mekala kaka una mena?

  • mewokela?

  • metoma?

 O NKAND’A NZAMBI ADIEYI UVOVANGA?

“Nzambi . . . okunguna mansanga mawonso muna meso mau; o lufwa, ke lukala diaka ko; musungula kala diaka dilu, yovo kazu, ngatu mpasi: oma mantete maviokele.”—Lusengomono 21:3, 4, Tradução do Novo Mundo.

NKIA NLUTA DILENDA KUTWASILA?

Okala ye salu kiambote kikutwasila e kiese.—Yesaya 65:21-23.

Ke vekala diaka muntu oyela ko yovo mona konso mpasi.—Yesaya 25:8; 33:24.

Okala ye zingu kiakiese ye kiakwele mvu kumosi ye esi nzo aku ye akundi.—Nkunga 37:11, 29.

 NGA TULENDA KWIKILA KIKILU DINA NKAND’A NZAMBI UVOVANGA?

Elo, vena ye kuma yole yamfunu:

  • Nzambi una yo nkuma wa lungisa nsilu miandi. Muna Nkand’a Nzambi, Yave wa Nzambi kaka oyikilwanga vo ‘Mpungu-ngolo,’ kadi o nkum’andi ke ulendi tezakana ko. (Lusengomono 15:3) Muna kuma kiaki, Yave una yo nkuma wa lungisa nsilu miandi yo soba e nza yayi yo kitula yo se fulu kiambote. Nze una Nkand’a Nzambi uvovanga ‘kuna kwa Nzambi, mawonso malendakana.’—Matai 19:26.

  • Nzambi una y’etima dia lungisa e nsilu miandi. Kasikil’owu, Yave una ‘y’etima’ dia fula mafwa.—Yobi 14:14, 15.

    Nkand’a Nzambi usonganga mpe vo Yesu wa Mwan’a Nzambi, wawuka ambevo. Ekuma kavangila wo? E kuma kadi wazola wo vanga. (Maku 1:40, 41) Yesu watanginina kiwuntu kia S’andi mu mpila yalunga muna kala y’etima dia sadisa awana bakala mu mpasi.—Yoane 14:9.

    Muna kuma kiaki, tulenda kala ye ziku vo Yave yo Yesu bazolele kutusadisa kimana twakala ye zingu kiakiese kuna sentu.—Nkunga 72:12-14; 145:16; 2 Petelo 3:9.

 KIUVU OLENDA BADIKA

Aweyi Nzambi ketomesena nza yayi?

Nkand’a Nzambi uvananga e mvutu za kiuvu kiaki muna MATAI 6:9, 10 ye DANIELE 2:44.