Tala mambu

Tala ntu mia mambu

Mbangi za Yave

Sola ndinga Kikongo

 LONGI DIA 8

Sadila e Nona Ilenda Simba e Ntima mia Wantu

Sadila e Nona Ilenda Simba e Ntima mia Wantu

Matai 13:34, 35

MUNA LUKUFI: Tomesa e mpil’aku ya longela muna sadilanga e nona yaleboka ilenda simba e ntima mia wantu yo kubalonga mambu mamfunu.

UNA OLENDA WO VANGILA:

  • Sola nona yaleboka. Nze Yesu, sadila nona ya mambu matomene zayakana mu sasila mambu mampasi. Kukudikila mambu makondwa mfunu ko. Kala ye ziku vo e nona osadila ngwizani kina ye longi diaku muna lembi vilakesa e ngindu za awana bekuwanga.

  • Yindula e nona ilenda sadisa o nkangu. Sola e nona ya mambu matomene zayakana kwa nkangu. Keba kimana e nona osadila yalembi fwisa wantu e nsoni yovo kubakendeleka.

  • Longa diambu diasina. Sia e sungididi muna mambu masina, vana fulu kia vovela mambu makete-kete. Awana bekuwanga ke bafwete sungamena kaka nona ko, kansi ubasadisa basungamena mpe dina balongokele muna nona oyikidi.