Tala mambu

Tala ntu mia mambu

Mbangi za Yave

Sola ndinga Kikongo

 LONGI DIA 31

Yosua ye Esi Ngibone

Yosua ye Esi Ngibone

E nsangu mu kuma kia Yeriko zamwangana mu zunga yankaka ya Kenani. E ntinu miau bawizana kimana banuanisa Aneyisaele. Kansi, esi Ngibone kani diankaka bakala diau. Bavuata mataya yo kwenda kwa Yosua. Bavova vo: ‘Ku nsi yandá tutukidi. Twawidi mawonso kavanga o Yave kuna Engipito ye Moabe mu kuma kieno. Dia e ndofi vo kukutunuanisa ko. Tukituka se ntaudi zeno.’

Yosua wakwikila muna mvovo miau yo dia e ndofi ya lembi kubanuanisa. Vioka lumbu tatu, wabakula vo ke batuka kwau ku nsi yandá ko. Esi nsi ya Kenani. Yosua wayuvula esi Ngibone vo: ‘Ekuma nuatuvunini?’ Bavutula vo: ‘Wonga twamuene. Tuzeye wo vo Yave wa Nzambi eno yandi okununuaninanga. Dodokolo, ke nutuvondi ko.’ Yosua walungisa e ndofi kadia, ka bavonda ko.

Ke vavioka kolo kiayingi ko, atinu tanu a Kenani ye makesa mau bayenda nuanisa esi Ngibone. Yosua ye makesa mandi  bakangala fuku wamvimba mu kwenda kubatanina. E vita yayantika muna mene wa lumbu kialanda. Makesa ma Kenani bamuangana. Konso kuna batininanga, Yave wabasotolwelanga matadi mampwena ma mvula yo kubavonda. I bosi, Yosua walomba kwa Yave kimana e ntangwa yaningama. Ekuma Yosua kalombela kwa Yave vo kaningamesa e ntangwa kana una vo ke vasidi kala lumbu ko e ntangwa yaningama? E kuma kadi Yosua wabundanga e vuvu muna Yave. E ntangwa yaningama lumbu kiamvimba yavana Aneyisaele basukisa atinu awonso a Kenani ye makesa mau.

“Yambula e mpov’eno ‘Elo’ yakala elo, ‘Ve,’ ve, kadi konso dina dikulamene, kwa ndiona wambi ditukidi.”—Matai 5:37