Tala mambu

Tala ntu mia mambu

Mbangi za Yave

Sola ndinga Kikongo

 LONGI DIA 6

Wantu Nana Bavulukidi

Wantu Nana Bavulukidi

Noa, esi nzo andi ye bulu bakota muna nzaza. Vava Yave kakanga e kielo, e mvula yayantika noka. Wau vo mvula yampwena kikilu yanoka, e nza yawonso yadiuma muna maza. E nzaza yatensama vana ntandu a maza. Wantu awonso ambi bakala kuna mbazi a nzaza bafwa. Kansi, Noa ye esi nzo andi ke bafwa ko kadi mu kati kwa nzaza bakala. Kiese kiayingi bamona wau balemvokela Yave.

E mvula yanoka mini 40 ye fuku 40. I bosi, yayambula noka. E maza mayantika kuluka malembe-malembe. E nzaza yaningama vana ntandu a mongo. Kansi, maza mayingi makala ova ntoto. Muna kuma kiaki, Noa ye esi nzo andi bavingila diaka kolo kiandá muna kati kwa nzaza.

Malembe-malembe, e maza mayuma. Noa ye esi nzo andi vioka mvu mosi bakala muna nzaza. I bosi, Yave wabavovesa vo bavaika muna nzaza. Diakala nze yau bakotele mu nz’ampa. Noa ye esi nzo andi bavutula matondo kwa Yave wau kabavuluza. Muna kuma kiaki, bavana lukau kwa Yave.

Yave wayangalela lukau bavana. Wasia nsilu vo ke singa twasa diaka kizalu ko mu fwasa e lekwa ova nza. Yave wabasonga e sinsu kimana balembi vilakana o nsilu wau. Wavaikisa e nkongolo antete kuna zulu. Nga wamona kala e nkongolo?

I bosi, Yave wavovesa Noa ye esi nzo andi vo bawuta wana yo lungila e nza yawonso.

‘Noa wakota muna nzaza, wantu ke basia sungididi ko yavana Kizalu kiayiza, kiabakukulwisa yau awonso.’—Matai 24:38, 39