Tala mambu

Tala ntu mia mambu

Mbangi za Yave

Sola ndinga Kikongo

 LONGI DIA 92

Yesu Omonekene kwa Abaki a Mbizi

Yesu Omonekene kwa Abaki a Mbizi

Ke vavioka kolo ko vava Yesu kamoneka kwa antumwa, Petelo wayenda lowa e mbizi muna Mbu a Ngalili. Toma, Yakobo, Yoane ye alongoki ankaka bayenda yandi entwadi. Balowa fuku wamvimba, kansi ke babaka mbizi ko.

Vava kuma kwakia, bamona muntu watelama vana kumu. Wabayuvula vo: ‘Nga nwabaka e mbizi?’ Bamvutula vo: “Ve!” O muntu ndioyo wavova vo: “Nutuba e konde kuna lunene lwa nzaza.” Vava batuba dio, e konde dizele ye mbizi, ke balenda dio tunta ko kuna kumu. Vana vau, Yoane wabakula vo muntu ndioyo i Yesu yo vova vo: “I Mfumu ndioyo!” Vana vau, Petelo uyitubidi muna mbu yo siensia yakuna kumu. Alongoki ankaka balende muna nzaza.

Vava balwaka vana kumu, bamona mbolo ye mbizi zayangwanga vana tiya. Yesu wabavovesa vo batwasa e  ndambu a mbizi babakidi kimana bakudikila madia. I bosi wavova vo: “Nwiza dia.”

Vava bamanisa dia, Yesu wayuvula Petelo vo: ‘Nga okunzolanga lutila e salu kia baka e mbizi?’ Petelo wavutula vo: “Ingeta, e Mfumu, ozeye wo vo zola ikuzolanga.” Yesu wamvovesa vo: “Dikila wan’ame a mameme.” Yesu wanyuvula diaka vo: ‘E Petelo, nga zola okunzolanga?’ Petelo wavova vo: “Ingeta, e Mfumu, ozeye wo vo zola ikuzolanga.” Yesu wavova vo: “Vungula mameme mame.” Yesu wanyuvula mu nkumbu wantatu. Petelo wakendalala kikilu. Wavova vo: “E Mfumu, ongeye ozeye mawonso; ozeye wo vo zola ikuzolanga.” Yesu umvovese vo: “Dikila mameme mame.” I bosi, wavovesa Petelo vo: “Kwamanana kundanda.”

“[Yesu] wabavovesa vo: ‘Nwiz’andandi, ikunukitula se abaki a wantu.’ Vana vau, basisidi makonde mau, banlende.” —Matai 4:19, 20