Nga e mvutu zaku . . .

  • elo?

  • ve?

  • nanga?

 NKAND’A NZAMBI ADIEYI UVOVANGA?

“Nzambi . . . okunguna mansanga mawonso muna meso mau; o lufwa, ke lukala diaka ko; musungula kala diaka dilu, yovo kazu, ngatu mpasi.”—Lusengomono. 21:3, 4, Tradução do Novo Mundo.

NKIA NLUTA DILENDA KUTWASILA?

O kala ye ziku vo ke Nzambi ko otwasanga e mpasi zeto.—Yakobo 1:13.

O fiaulwiswa mu zaya vo Nzambi otokanenanga e mpasi zeto.—Zakaria 2:8.

O kala ye vuvu mu zaya vo mpasi zawonso zifokoka—Nkunga 37:9-11.

 NGA TULENDA KWIKILA KIKILU DINA NKAND’A NZAMBI UVOVANGA?

Elo, vena ye kuma yole yamfunu:

  • Nzambi omenganga o bi. Yindula una Yave wa Nzambi kamona vava nkangu andi kuna nz’ankulu babangikwanga. Nkand’a Nzambi uvovanga vo Nzambi wamona e ntantu mu kuma “ki’awana bababangika.”—Afundisi 2:18.

    Nzambi omenganga mavangu m’awana bebangikanga akaka. Kasikil’owu, Nkand’a Nzambi uvovanga vo omenganga ‘moko mebungulanga menga makondwa kuma.’—Ngana 6:16, 17.

  • Nzambi ovwanga konso muntu mu yeto o mfunu. Ke muntu kaka ko ozayanga ‘vuku ye mpasi zandi,’ kansi o Yave mpe ozayanga zo.2 Tusansu 6:29, 30.

    Ke kolo ko, muna Kintinu kiandi, Yave ofokola e mpasi za konso muntu. (Matai 6:9, 10) Muna kolo kiaki, Yave ofiaulwisa awonso bekumvavanga ye ziku kiawonso.—Mavangu 17:27; 2 Korinto 1:3, 4.

 KIUVU OLENDA BADIKA

Ekuma Nzambi keyambulwilanga e mpasi?

Nkand’a Nzambi uvananga e mvutu za kiuvu kiaki muna ROMA 5:12 ye 2 PETELO 3:9.