Tala mambu

Tala ntu mia mambu

Mbangi za Yave

Sola ndinga Kikongo

Alweyi i Luzolo lwa Nzambi?

Alweyi i Luzolo lwa Nzambi?

Nzambi ozolele vo twazinga yakwele mvu mu luvuvamu ye kiese mu paradiso ova ntoto!

Nanga olenda kiyuvula: ‘Nga ediadi dilendakana?’ Nkand’a Nzambi uvovanga vo Kintinu kia Nzambi kilungisa e diambu diadi. I luzolo lwa Nzambi vo wantu awonso balongoka oma ma Kintinu y’ekani dia Nzambi mu kuma kia wantu.​—Nkunga 37:​11, 29; Yesaya 9:7.

Nzambi ozolele vo twavua e nluta.

Nze una se dianzodi kevavilanga wete dia wan’andi, o S’eto ezulu ozolele vo twakala ye zingu kiakiese yakwele mvu. (Yesaya 48:​17, 18) Wasia nsilu vo ndiona “ovangang’o luzolo lua Nzambi, zing’aka kezinga yakwele mvu.”​—1 Yoane 2:17.

Nzambi ozolele vo twakangalela muna nzila zandi.

Muna Nkand’a Nzambi tutanganga vo Mvangi eto ozolele “kutulonga nzila zandi” kimana ‘twakangalela muna mayendelo mandi.’ (Yesaya 2:​2, 3) Wakubika “nkangu muna nkumbu andi” kimana bazayisa luzolo lwandi mu nza yawonso.​—Mavangu 15:14.

Nzambi ozolele vo twayikakiana muna kunsambila.

Vana fulu kia vambula wantu, e nsambila yavelela ya Yave iyikakesanga wantu muna zola. (Yoane 13:​35) Aki nani belonganga wantu muna fulu yawonso e mpila balenda sadila Nzambi kuna ungudi? Tulombele wazaya e mvutu muna finkanda fiafi.