Tala mambu

Tala ntu mia mambu

Mbangi za Yave

Sola ndinga Kikongo

 ELONGI DIA 5

Nkia Mambu Omona Muna Tukutakanu Tweto twa Akristu?

Nkia Mambu Omona Muna Tukutakanu Tweto twa Akristu?

Argentina

Serra Leoa

Bélgica

Malásia

Ndonga ke bekwendanga diaka mu nzo za nzambi ko, kadi ke bevewanga lufiaulwisu ko ngatu luludiku lwa mwanda luna bavwidi o mfunu. Ozevo, ekuma ofwete kwendela muna tukutakanu twa Mbangi za Yave? Nkia mambu omona mo?

Kiese kia kala vana vena wantu besonganga o zola. Muna tandu kiantete, Akristu bavambaneswanga mu nkutakani, balungananga mu sambila Nzambi, longoka Nkand’a Nzambi yo kasakesa muntu yo nkw’andi. (Ayibere 10:24, 25) Bayangalelanga kala vamosi ye mpangi zau za mwanda ana bakala se akundi au akieleka. (2 Tesalonika 1:3; 3 Yoane 14) Oyeto mpe tutangininanga e mbandu ya Akristu a tandu kiantete yo mona kiese kina bamonanga.

Obaka e nluta mia sadila e nkanikinu mia Nkand’a Nzambi. Nze una wavangamanga kuna nz’ankulu, o unu mpe, akala, akento yo wana belungananga vamosi. Alongi azikuka besadilanga Nkand’a Nzambi mu kutusadisa twabakula e mpila tulenda lemvokela e nkanikinu mia Nkand’a Nzambi muna zingu kieto kia lumbu ke lumbu. (Nsiku 31:12; Nekemiya 8:8) Awonso belungananga muna tukutakanu twatu, bekalanga y’elau dia yimbila yo vana e mvutu mu songa e vuvu kiau kia Kikristu.—Ayibere 10:23.

Nsambu za kala ye lukwikilu lwakumama muna Nzambi. Paulu wa ntumwa wavovesa Akristu kuna Roma vo: “Moyo a kunumona nlakukwa, . . . yafiaulwisilwa yo yeno, konso muntu vava twina muna lukwikilu, yo lueno yo luame.” (Roma 1:​11, 12) Ekolo tukalanga ye mpangi zeto za Akristu muna tukutakanu, tukumikanga lukwikilu yo siamisa e nzengo zeto za zingila e ngwizani ye nkanikinu mia Nkand’a Nzambi.

Ekuma olembi kwendela muna lukutakanu lwa Mbangi za Yave wayimwena e mambu mawonso mayikilu mun’elongi diadi? Otambulwa kuna ngemba zawonso. Muna tukutakanu twatu ke mulombwangwa nzimbu ko.

  • Mbandu aki nani tutangininanga muna tukutakanu tweto twa Kikristu?

  • Nkia nluta tulenda baka muna kalanga muna tukutakanu tweto twa Kikristu?