Tala mambu

Tala ntu mia mambu

Mbangi za Yave

Sola ndinga Kikongo

 ELONGI DIA 7

Aweyi Tukutakanu Tweto Tuvangamenanga?

Aweyi Tukutakanu Tweto Tuvangamenanga?

Nova Zelândia

Japão

Uganda

Lituania

Muna tukutakanu twau, Akristu muna tandu kiantete bayimbilanga nkunga yo samba, batanganga yo badika e sono ya Nkand’a Nzambi, ke mwakudikilwanga mambu makaka ko. (1 Korinto 14:​26) I diau mpe divangamanga muna tukutakanu tweto o unu.

Malongi meto mu Nkand’a Nzambi metukanga. Kuna nsuka lumingu, mpangi za konso nkutakani bekutakananga mu wá longi dia Nkand’a Nzambi difilwanga mu miniti 30. Disonganga una tulenda sadila malongi ma Nkand’a Nzambi muna zingu kieto ye nsas’a lumbu tuzingilanga. Yeto awonso tukasakeswanga mu landa e ntangilu a sono muna Nkand’eto a Nzambi. Kuna mfoko a longi diadi, tulongokanga “Eyingidilu” dia Longoka mu ola mosi. Konso muntu olenda kwandi vana e mvutu mun’elongi diadi di’Eyingidilu. Dikutusadisanga mu sadila malongi ma Nkand’a Nzambi muna zingu kieto. Muna vioka 110.000 ma nkutakani mu nza yawonso, malongi mamosi tulongokanga.

Tusadiswanga mu tomesa mpil’eto ya longela. Tukutakananga mpe muna kati kwa lumingu mu lukutakanu luna ye ntu a diambu Zingu ye Salu Kieto kia Kikristu. Malongi ma lukutakanu lwalu mabongelo muna finkanda Zingu ye Salu Kieto. E kunku kiantete kia lukutakanu lwalu, Tusalu Tuna Muna Diambu dia Nzambi, kikutusadisanga mu toma zaya e nsas’a kapu ya Nkand’a Nzambi ina ampangi muna nkutakani bakubikidi. Muna kunku kiazole, Sila Umbangi una Ufwene, mukalanga ye nsongesela zisonganga una tulenda longela Nkand’a Nzambi kw’akaka. E mvovo mia mfidi a lukutakanu mikutusadisanga mu tomesa e mpil’eto ya tangila yo longa. (1 Timoteo 4:13) E kunku kiansuka, Zingu kia Kikristu, kisonganga una tulenda sadila nkanikinu mia Nkand’a Nzambi muna zingu kieto. Muna kunku kiaki, mukalanga mpe ye malongi ma yuvu ye mvutu mewokesanga umbakuzi weto wa Nkand’a Nzambi.

Ka lukatikisu ko vo, e lumbu okwiza muna lukutakanu lweto, osivika mu kuma kia malongi ma Nkand’a Nzambi o wá.​—Yesaya 54:13.

  • Nkia mambu olenda wá muna tukutakanu twa Mbangi za Yave?

  • Mu nkia lukutakanu lweto ozolele kwiza?