Tala mambu

Mbangi za Yave

Sola ndinga Kikongo

Nki i Kintinu kia Nzambi?

Nki i Kintinu kia Nzambi?

Nga olenda vova vo . . .

  • mu ntim’aku kina?

  • savu?

  • luyalu lwa zulu?

 NKAND’A NZAMBI ADIEYI UVOVANGA?

“O Nzambi ezulu otongeka kintinu, kina ke kibangalakeswa ko.”—Daniele 2:44, Tradução do Novo Mundo.

“Tuveno o mwan’eyakala; o luyalu lukala van’evembo diandi.”—Yesaya 9:6.

NKIA NLUTA DILENDA KUTWASILA?

  • Luyalu lwansongi lulenda kutwasila nluta.—Yesaya 48:17, 18.

  • Muna nz’ampa ikwiza, moyo alunga ye mavimpi mambote ye zingu kiakiese.—Lusengomono 21:3, 4.

 NGA TULENDA KWIKILA KIKILU DINA NKAND’A NZAMBI UVOVANGA?

Elo, vena ye kuma yole yamfunu:

  • Yesu wasonga mana Kintinu kia Nzambi kilungisa. Yesu walonga alandi andi basambanga vo Kintinu kia Nzambi kiza o luzolo lwa Nzambi lwavangama ova ntoto. (Matai 6:9, 10) Wasonga una sambu kiaki kivaninwa e mvutu.

    Ekolo kakala ova ntoto, Yesu wadikila mimfwe nzala, wawuka mbevo yo fula amafwa. (Matai 15:29-38; Yoane 11:38-44) Nze Ntinu a Kintinu kia Nzambi, Yesu wasonga mana Kintinu kivanga kwa nkangu andi.—Lusengomono 11:15.

  • Mambu mevangamanga ova nza mesonganga vo ke kolo ko Kintinu kia Nzambi kikwiza. Yesu wasakula vo una Kintinu ke kitwese luvuvamu ko ova ntoto, e nza izala ye vita, nzala ye nzakama za ntoto.—Matai 24:3, 7.

    Tumonanga mambu mama mu lumbu yayi. Muna kuma kiaki, tulenda kala ye vuvu vo ke kolo ko e Kintinu kia Nzambi kifokola mambu mama mawonso.

 KIUVU OLENDA BADIKA

Aweyi kikala e zingu muna luyalu lwa Kintinu kia Nzambi?

Bibila kivananga e mvutu za kiuvu kiaki muna NKUNGA 37:29 ye YESAYA 65:21-23.