Tala mambu

Tala ntu mia mambu

Mbangi za Yave

Sola ndinga Kikongo

Ku Lumonso: Esi Betele ya Brooklyn vava bakembela nkinzi wansuka wa luwutuku lwa Yesu muna mvu wa 1926; Ku Lumene: Wantu bemonanga vo Mbangi za Yave baswaswana ye wantu akaka

 KUNKU KIA 3

Nsiku mia Kintinu—Vava Unsongi wa Nzambi

Nsiku mia Kintinu—Vava Unsongi wa Nzambi

 YINDULA vo ekolo oviokanga muna nzila, okayisi mfinangani aku kuna vala. I bosi, obakwidi vo muntu ndioyo ngeye ye esi nzo aku ketalanga ye sungididi kiawonso se tuka kolo. Oyandi mpe ukayisi yo kubokela. Ovovele vo: “Diambu nzolele kuyuvula. Ekuma nwaswaswanena yo wantu ankaka”? Ongeye unyuvwidi vo: “Mu nkia mpila”? Uvutwidi vo: “Nu Mbangi za Yave, ke wau ko? Nwaswaswana kikilu yo wantu akaka. Ke nufwananene ye mabundu makaka ko, kadi ke nukembelanga lumbu ya nkinzi ko, ke nukuyisianga mu mambu ma tuyalu ko ngatu muna vita. Ke nunuanga mfomo ko. Esi nzo aku fu ya nkal’ambote besonganga. Ekuma nuswaswanene yo wantu akaka mu mambu mayingi?”

E mvutu za kiuvu kiaki ke zampasi ko: Nsiku mia Kintinu kia Nzambi tulemvokelanga. Wau vo Yesu i Ntinu eto, okutulonganga. Okutusadisanga twalanda e ntambi zandi kimana twaswaswana yo wantu a nza yayi yambi. Mu kunku kiaki, tuzaya una Kintinu kia Masia kiveleleselanga nkangu a Nzambi muna mwanda, muna ngindu yo kubalonga e mpila ya vangila mambu mu vana nkembo kwa Yave.

MU KUNKU KIAKI

KAPU KIA 10

O Ntinu Ovelelese Nkangu Andi Muna Mwanda

Nkia ngwizani ina vana vena nkinzi a luwutuku lwa Yesu ye kuluzu?

KAPU KIA 11

Veleleswa Muna Fu ya Nkal’ambote—Vauka kwa Nzambi Disonganga

E masuku m’ayingidi ma tempelo yasongwa Yezekele nsasa mena kwa nkangu a Nzambi tuka muna mvu wa 1914.

KAPU KIA 12

Bakubama mu Sadila “Nzambi a Luvuvamu”

Nkand’a Nzambi ke uswaswanesanga mvwanga ye nkubika yambote ko, kansi ye luvuvamu. Ekuma? E mvutu za kiuvu aweyi zisadisilanga Akristu o unu?