Tala mambu

Tala ntu mia mambu

Mbangi za Yave

Sola ndinga Kikongo

Lusansu lwa 96: Yesu Owukidi Mbevo

Lusansu lwa 96: Yesu Owukidi Mbevo

VAVA kakangalanga muna nsi, o Yesu wawukanga mbevo. E nsangu zamwangana muna mavata mawonso ye mbanza. Nkangu wantwasilanga avanguki, mpofo, fwa matu ye mbevo zakaka. Yesu wabawukanga.

Mvu ntatu miviokele kala tuka Yesu kavubilwa kwa Yoane. O Yesu ovovese alongoki andi vo, okwenda kuna Yerusaleme, yo vondwa, i bosi kefuluka. Muna fikolo fiafi, o Yesu wawuka mbevo.

Yesu owukidi nkento wa mbevo

Lumbu kimosi o Yesu walonganga muna Lumbu kia Vundu. E lumbu kiaki Ayuda ke bavanganga konso salu ko. O nkento omwene vava mbevo kikilu. Wayelanga se mvu 18; wakovama beni, kalendi vumbuka nkutu ko. O Yesu Unyambikidi o moko, osingamene yo sasuka.

Ambuta za nganga bayisawidi. Mosi ovovele kwa ndonga vo: ‘Lumbu sambanu i ifwete salwanga: muna yau i nwiza wukwa, ke mu Lumbu kia Vundu ko.’

O Yesu ovutwidi vo: ‘Yeno nu akwa kuvunina, nga ke wau ko, konso muntu vovo nwina, vo muna lumbu kia vundu, okutulula ngombe andi, ovo ebuluku van’edilu diandi, kenda nu’e? Mwan’ankento ndioyu nkwa mayela se mvu 18 nga kafwete wukwa muna lumbu kia vundu ko e?’ E mvutu za Yesu zifusulwisi atantu andi e nsoni.

I bosi, Yesu ye alongoki andi bele kuna Yerusaleme. Una se bevaika muna Yeriko mpofo zole wau bawidi vo Yesu se kevioka, bakazidi, oku vo: ‘E Yesu utusadisa.’

O Yesu ubabokele, ubayuvwidi vo: ‘Aweyi nuzolele yanuvangila?’ Bamvovese vo: “E Mfumu, twatemokw’o meso.” O Yesu oviakene meso mau, vana vau bamwene. Nga ozeye ekuma Yesu kavangilanga masivi mama mawonso? Wantu kazolanga. Wazola vo bakwikila muna yandi. Oyeto mpe tulenda kala ye ziku vo, vava keyala se Ntinu ke vekala muntu ko ova ntoto oyela diaka.

Matai 15:30, 31; Luka 13:10-17; Matai 20:29-34.



Yuvu

  • O Yesu adieyi kavanga vava kakala ova ntoto?
  • Vioka mvu ntatu tuka kavubilwa o Yesu, adieyi kavova kw’alongoki andi?
  • Aki nani bena muna fwaniswa kiaki? O Yesu adieyi kavanga kwa nkento?
  • E mvutu za Yesu ekuma zafusulwisila ambuta za nganga e soni?
  • Vava Yesu ye alongoki andi bafinama muna Yeriko, adieyi kavanga kwa mpofo zole za avingi?
  • Ekuma Yesu kavangila masivi?

Yuvu yakaka

  • Tanga Matai 15:30, 31.

    Nkia nkum’a Yave umonekanga muna Yesu? Aweyi ufwene kutubakulwisa e nsilu a Yave wa nz’ampa? (Nku. 37:29; Yes. 33:24)

  • Tanga Luka 13:10-17.

    O masivi makaka kavanga Yesu muna Lumbu kia Vundu aweyi mesongelanga luvevoko ketwasa kwa wantu muna Luyalu lwandi lwa Zunda dia Mvu? (Luka 13:10-13; Nku. 46:9; Mat. 12:8; Kol. 2:16, 17; Lus. 21:1-4)

  • Tanga Matai 20:29:34.

    Omama mawonso aweyi mesongelanga vo kevakala salu ko kiasimanga Yesu mu sadisa wantu? Adieyi tulenda longoka muna tezo kiaki? (Nsi. 15:7; Yak. 2:15, 16; 1 Yoa. 3:17)