Tala mambu

Tala ntu mia mambu

Mbangi za Yave

Sola ndinga Kikongo

Kunku kia 6: Tuka Luwutuku lwa Yesu Yakuna Lufwa Lwandi

Kunku kia 6: Tuka Luwutuku lwa Yesu Yakuna Lufwa Lwandi

Mbasi Ngambiele watumwa kwa ndumba amote wayikilwanga vo Maria. Umvovese vo mwana kewuta, ona oyala se ntinu akwele mvu. O Yesu mu mpak’a twelezi kawutukila, muna kakingulwilwa kwa avungudi. I bosi, ntetembwa mosi yafila wantu tuka kuna Este yakuna kwakal’o nsedia. Tusinga longoka kana nani wabasonga e ntetembwa yoyo ye nkia mpila Yesu kavulukila mu vonza kiokio.

I bosi, tumona Yesu omokenanga y’alongi muna tempelo vava kakala ye kimbuta kia mvu 1 Vioka diaka mvu 18, o Yesu wavubwa yo yantika e salu kina kafidilwa kwa Nzambi mu sala ova ntoto, kia samuna nsangu zambote za Kintinu yo longa. Yesu wasola wantu 12 muna kunsadisa mu salu kiaki, wabakitula se ntumwa zandi.

Yesu masivi mayingi mpe kavanga. Wadikila mazunda ma wantu ye mbizi a maza yakete ye mbolo. Wawuka mbevo yo fula nkutu mafwa. Kuna mfoko, tuzaya mayingi mabwila Yesu muna lumbu yansuka ya zingu kiandi ye mpila kavondelwa. Yesu wasamuna nsangu zambote tezo kia mvu ntatu ye ndambu. Ozevo, KUNKU kia 6, lusansu lwa tezo kia mvu 34 kiyikanga.

Yesu una longa