Tala mambu

Tala ntu mia mambu

Mbangi za Yave

Sola ndinga Kikongo

Lusansu lwa 70: Yona ye Mbizi Ampwena a Maza

Lusansu lwa 70: Yona ye Mbizi Ampwena a Maza

TALA muntu muna maza. Mu mpasi kena, nga ke wau ko? E mbizi yoyo se ikumina. Nga ozeye nani i muntu ndioyo? Nkumbu andi Yona. Yambula twazaya nkia mpila kayisila mu mpasi zazi.

Yona ngunz’a Yave. Vava Elesa wa ngunza kafwa, o Yave ovovese Yona vo: ‘Wenda kuna Nineve, e mbanza yampwena, kadi o bi wau usakidi. Wenda kubavovesa wo.’

Yona ye mbizi ampwena

Kansi, o Yona kazolele ko. Okotele muna nzaza yayendanga kwakaka ke mu kwenda kuna Nineve ko. O Yave kayangalela evangu dia Yona ko. Ozevo, otwese tembwa kiangolo muna mbu. E nzaza se yidimuka. Ansau bamwene wonga, bakazidi konso muntu kwa nzambi andi.

O Yona ubavovese vo: ‘Yave wa Nzambi wavanga ezulu yo ntoto nsambilanga. Ntinini o vanga dina kantumini.’ Ansau banyuvwidi: “Aweyi tukuvanga, o mbu watulembamena?”

O Yona ubavovese vo: ‘Nuntuba muna mbu; i ndembamena ukunulembamena o mbu.’ Ansau ke bazola dio vanga ko. Kansi vava tembwa kiasaka e ngolo babongele Yona bantubidi muna mbu. Vana vau e tembwa kidingamene, o mbu mpe ulembamene.

Vava Yona kakota muna nsi a maza omininu kwa mbizi a maza ampwena. Kansi, kafwa ko. Okedi muna vumu kia mbizi mini ntatu yo mafuku matatu. O Yona okendalele kikilu muna lembi lemvokela Yave yo kwenda kuna Nineve. Nga ozeye dina kavanga?

Osambidi kwa Yave mu lomba lusadisu. O Yave ovovese mbizi a maza vo kaluka Yona kun’eseke. I bosi, o Yona wele kuna Nineve. Ediadi nga ke disonganga ko vo tufwete vanga mawonso kevovanga Yave vo twavanga?

Nkand’a Yona.



Yuvu

  • Nani i Yona? O Yave aweyi kamvovesa?
  • O Yona adieyi kavanga?
  • O Yona aweyi kavova kwa ansau bamvanga kimana e tembwa kiadingama?
  • Nze una omwene muna fwaniswa, adieyi diabwila Yona vava kakota muna nsi a maza?
  • O Yona lumbu kwa kakala muna vumu kia mbizi? Adieyi kavanga?
  • Akweyi kayenda o Yona vava kalukwa kwa mbizi? Adieyi ditulongele ediadi?

Yuvu yakaka

  • Tanga Yona 1:1-17.

    O Yona aweyi kabadikila e salu kavewa kia longa esi Nineve? (Yona 1:2, 3; Nga. 3:7; Kim. 8:12)

  • Tanga Yona 2:1, 2, 10.

    Aweyi e nona kia Yona kikutusongelanga vo o Yave owanga e sambu yeto? (Nku. 22:24; 34:6; 1 Yoa. 5:14)

  • Tanga Yona 3:1-10.

    Nkia lukasakeso dituvene mu zaya vo o Yave wakwamanana sadila Yona kanele vo wateka tina e salu kavewa? (Nku. 103:14; 1 Pet. 5:10)

    Nze una tulongokele mu nona kia Yona, ekuma ke tufwete fundisila wantu ko muna zunga kieto? (Yona 3:6-9; Kimp. 11:6; Mav. 13:48)