Tala mambu

Tala ntu mia mambu

Mbangi za Yave

Sola ndinga Kikongo

Lusansu lwa 46: Yaka ya Yeriko

Lusansu lwa 46: Yaka ya Yeriko

NKI kibwisanga e yaka yayi ya Yeriko? Ina nze bomba ibwididi mo. Kansi, muna lumbu yayina o wantu ke bakala ye bomba ko; ngatu nkele. Esivi diakaka kavanga Yave. Yambula twazaya una diavangamena.

E yaka ya Yeriko yibwidi

O Yave wavova kwa Yosua: ‘Ongeye yo makesa maku nuzieta evata lumbu sambanu. Lunata nkele ekangu. Anganga nsambwadi bavit’o ntu yo sika e mpungi zau.

‘Muna lumbu kiansambwadi nuziet’evata nzieta nsambwadi. Nusika mpungi, o nkangu wawonso wakaza; ozevo e yaka kibabama va ntoto.’

O Yosua yo nkangu bavanga una kavova o Yave. Ekolo bazietanga, yau awonso babutamene. Ke vena muntu ko wavovanga. Mazu ma mpungi kaka ye nsindu mia malu miawakananga. Atantu a nkangu a Nzambi muna Yeriko bamwene o wonga. Nga omwene o nsinga wambwaki wakangwa muna zianela? E zianela yayina nga ya nani? Ya Rakabi. Wavanga mana kavoveswa kwa alangi wole. Yitu yandi yawonso yakala muna nzo yo talanga mawonso mavangamanga.

Yosua

I bosi, muna lumbu kiansambwadi vava bazieta evata nzieta nsambwadi, anganga una basikidi mpungi, makesa bakazidi eyaka yibwidi. O Yosua ovovele vo: ‘Nuvonda wantu awonso yo yoka lekwa yawonso muna mbanza. Kansi, nusisa kaka e palata yo wolo ye nsongo, y’etadi, nunata yo mun’elundilu dia saba kia Yave.’

O Yosua ovovese alangi wole vo: ‘Nukota muna nzo a Rakabi, nwamvaikisa ku mbazi ye yitu yandi.’ O Rakabi ye yitu yandi bavuluzwa nze una bankanikina alangi.

Yosua 6:1-25.



Yuvu

  • O Yave adieyi kavovesa makesa ye anganga mu vanga mu lumbu sambanu?
  • Adieyi bavanga muna lumbu kiansambwadi?
  • Nze una omwene muna fwaniswa adieyi dibwilanga e yaka ya Yeriko?
  • Ekuma mwinina nsinga wambwaki wakangwa muna zianela?
  • Aweyi kavova Yosua bafwete vanga makesa kwa wantu ye kwa mbanza? E palata, wolo y’etadi aweyi yifwete siwa?
  • Alangi wole nkia diambu bavoveswa mu vanga?

Yuvu yakaka

  • Tanga Yosua 6:1-25.

    E nzieta mbanz’a Yeriko kwa Aneyisaele muna lumbu kiansambwadi aweyi yifwananene ye salu kia umbangi kisalanga Mbangi za Yave mu lumbu yayi yambaninu? (Yos.6:15, 16; Yes. 60:22; Mat. 24:14; 1 Kor. 9:16)

    O ungunza wa sonama muna Yosua 6:26 aweyi walunganena vioka 500 za mvu? Ediadi aweyi dikutulonganga mu kuma kia diambu kevovanga o Yave? (1 Nti. 16:34; Yes. 55:11)